اپنے سروں کو فخر سے بلند رکھیں‘‘ شہزادہ ولیم کا انگلینڈ کی فٹبال ٹیم کیلئے جذباتی پیغام

جمعرات 16 جولائی 2026 22:24

لندن (اُردو پوائنٹ اخبارتازہ ترین - آن لائن۔ 16 جولائی2026ء) برطانوی شہزادہ ولیم نے فیفا ورلڈ کپ 2026ء کے سیمی فائنل میں انگلینڈ کو ارجنٹائن کے ہاتھوں 2-1 سے شکست ہونے کے بعد اپنی فٹبال ٹیم کے لیے جذباتی پیغام شیئر کیا ہے۔شہزادہ ولیم نے فوٹو اینڈ ویڈیو شیئرنگ پلیٹ فارم انسٹاگرام پر موجود اپنے آفیشل اکاؤنٹ پر انگلینڈ کی ٹیم کے کھلاڑیوں کی میچ کے دوران مخالف ٹیم کا ڈٹ کر مقابلہ کرنے اور میچ جیتنے کی کوششوں کی تعریف کی ہے۔

(جاری ہے)

انہوں نے اپنی انسٹا اسٹوری میں انگلینڈ کی فٹبال ٹیم سے مخاطب ہو کر شکست پر افسوس کا اظہار کرتے ہوئے لکھا ہے کہ آپ نے پوری کوشش کی اور ہمیں ناقابلِ یقین ٹورنامنٹ کے لیے آپ پر بہت فخر ہے۔شہزادہ ولیم نے مزید لکھا ہے کہ آپ نے گراؤنڈ میں جیسے مقابلے اور یقین کا مظاہرہ کیا، اس نے ہم سب کو متاثر کیا ہے۔انہوں نے اپنی اسٹوری کے آخر میں اپنی ٹیم کے کھلاڑیوں کی حوصلہ افزائی کرتے ہوئے لکھا ہے کہ اپنے سروں کو فخر سے بلند رکھیں۔واضح رہے کہ فیفا ورلڈ کپ 2026ء کے دوسرے سیمی فائنل میں دفاعی چیمپئن ارجنٹائن نے انگلینڈ کو شکست دے کر فائنل کے لیے کوالیفائی کر لیا ہے۔