متحدہ عرب امارات میں انسانی اسمگلنگ کی دو کوششیں ناکام، متعدد افراد گرفتار

اعجاز احمد گوندل پیر 14 ستمبر 2026 11:25

متحدہ عرب امارات میں انسانی اسمگلنگ کی دو الگ کارروائیاں ناکام بناتے ہوئے ملوث افراد کو گرفتار کرلیا گیا۔
پہلی کارروائی میں 18 ایشیائی شہریوں کو مختلف مراحل میں غیر قانونی طور پر متحدہ عرب امارات لانے کا منصوبہ ناکام بنایا گیا۔

(جاری ہے)

حکام کے مطابق ایک خلیجی ملک کا شہری اس منصوبے میں ملوث تھا، جو غیر قانونی طور پر آنے والے افراد کو اپنے خاندان کا فرد ظاہر کرکے ملک میں داخل کرانے کی کوشش کررہا تھا۔

دوسری کارروائی میں ایک مطلوب غیر ملکی کو غیر قانونی طور پر متحدہ عرب امارات سے باہر لے جانے کی کوشش ناکام بنادی گئی، جبکہ اس معاملے میں ایک خاتون سہولت کار کو گرفتار کیا گیا۔ حکام کے مطابق خاتون اس سے قبل بھی افراد کو غیر قانونی طور پر سرحد پار کرانے میں ملوث رہی ہے۔
گرفتار افراد کو مزید تحقیقات اور قانونی کارروائی کے لیے پبلک پراسیکیوشن کے حوالے کردیا گیا ہے۔