فلو اورکھانسی کی علامات شروع ہونے سے پہلے اپنی ویکسینیشن مکمل کروالیں. امارتی حکام

یہ فلو کا ابتدائی موسم ہے‘ دسمبر اور جنوری میں کیسز اضافہ ہوجاتا ہے.یو اے ای ماہرین صحت

میاں محمد ندیم جمعرات 17 ستمبر 2026 16:03

فلو اورکھانسی کی علامات شروع ہونے سے پہلے اپنی ویکسینیشن مکمل کروالیں. ..

دوبئی(اردوپوائنٹ اخبارتازہ ترین-انٹرنیشنل پریس ایجنسی۔17 ستمبر ۔2026 ) متحدہ عرب امارات کے صحت کے حکام نے شہریوں اور رہائشیوں پر زور دیا ہے کہ فلو اور کھانسی کی علامات شروع ہونے سے پہلے اپنی ویکسینیشن مکمل کروالیں صحت اوروبائی امراض کی روک تھام کی وزارت نے اس سال کی موسمی انفلوئنزا ویکسین کے لیے ترجیحی گروپوں کی فہرست میں توسیع کی ہے، جس میں پہلی بار سکول کے طلباءاور حج اور عمرہ کے لیے سفر کرنے والے عازمین کو شامل کیا گیا ہے.

(جاری ہے)

رپورٹ کے مطابق ماہرین صحت کا کہنا ہے کہ یہ فلو کا ابتدائی موسم ہے جبکہ دسمبر اور جنوری میں کیسز اضافہ ہوجاتا ہے‘ماہرین کا کہا ہے کہ ویکسین کو فلو کے خلاف تحفظ پیدا کرنے میں دوہفتوں کا وقت لگتا ہے اس لیے ڈاکٹرستمبر کے درمیان اور اختتام تک ویکسین مکمل کروانہ پر زور دیتے ہیں. اماراتی ماہرین صحت کا کہنا ہے کہ سالانہ فلو ویکسین لینے کے لیے ستمبر ایک مثالی وقت ہے کیونکہ یہ انفلوئنزا کے موسم میں اضافے سے پہلے حفاظتی استثنیٰ کے لیے تقریباً دو ہفتے کا وقت دیتا ہے متحدہ عرب امارات میں 2026-27 کے فلو کے سیزن کے وران انفلوئنزا کی سرگرمی میں اضافہ ہونے کی توقع کی جارہی ہے جس کی وجہ موسمیاتی تبدیلیوں کو قراردیا ہے .

اماراتی وزارت صحت نے دوبئی اور ابوظہبی کے راستے عمرہ یا حج کے لیے جانے والے زائرین پر زور دیا ہے کہ وہ سفر سے کم از کم دو ہفتے پہلے ویکسین ضرور لگوائیں خصوصا بزرگ اور حاملہ خواتین کے لیے یہ ضروری ہے کہ وہ ویکسین لگوائیں کیونکہ ان می پیچیدگیوں کا خطرہ زیادہ ہوتا ہے . اماراتی حکام نے شہریوں اور رہائشیوں کے لیے2025میں سوئی سے پاک ویکسین متعارف کروائی تھی جو ناک میں اسپرے کی جاتی ہے چونکہ اسے براہ راست ناک میں اسپرے کیا جاتا ہے، اس لیے ویکسین ایک مدافعتی ردعمل پیدا کرتی ہے جہاں فلو کا وائرس جسم میں داخل ہوتا ہے.