لاہور غیرملکی لڑکی مبینہ زیادتی کیس، دو ملزمان کا 6 روزہ جسمانی ریمانڈ منظور

پولیس نے سہولتکاری کے الزام میں مسکان نامی خاتون کو گرفتار کرلیا، ملزمہ کو لاہور کے پوش علاقے سے گرفتار کیا گیا

ساجد علی منگل 29 ستمبر 2026 16:27

لاہور غیرملکی لڑکی مبینہ زیادتی کیس، دو ملزمان کا 6 روزہ جسمانی ریمانڈ ..

لاہور (اُردو پوائنٹ اخبارتازہ ترین۔ 29 ستمبر 2026ء) لاہور کی کینٹ کچہری میں غیر ملکی خاتون سے اجتماعی زیادتی کے کیس میں عدالت نے مرکزی ملزمان زین اور محسن کا 6 روزہ جسمانی ریمانڈ منظور کرتے ہوئے انہیں ڈی این اے ٹیسٹ اور تفتیش کے لیے پولیس کے حوالے کردیا۔

اطلاعات کے مطابق لاہور کے تھانہ ڈیفنس سی میں درج غیر ملکی خاتون ڈیانا سے مبینہ اجتماعی زیادتی کے مقدمے میں نامزد دو مرکزی ملزمان علی زین اور محسن کو کینٹ کچہری میں جوڈیشل مجسٹریٹ اظہر محمود کی عدالت کے روبرو پیش کیا گیا۔

پولیس حکام نے عدالت سے استدعا کی کہ واقعے کی سائنسی تفتیش کو آگے بڑھانے اور ملزمان کے ڈی این اے کے نمونے حاصل کرنے کے لیے ان کا جسمانی ریمانڈ دیا جائے، عدالت نے پولیس کے دلا ئل سننے کے بعد دونوں ملزمان زین اور محسن کا 6 روزہ جسمانی ریمانڈ منظور کر لیا اور انہیں تفتیشی ٹیم کے حوالے کردیا۔

(جاری ہے)

لاہور کینٹ کچہری غیر ملکی لڑکی سے مبینہ اجتماعی زیادتی کیس کا معاملہ
لاہور پولیس نے مقدمہ کے دو ملزمان کو عدالت میں پیش کر دیا
لاہور ملزمان زین اور محسن عدالت کے روبرو پیش ہوے
لاہور ہولیس ملزمان کے ڈی این اے ٹیسٹ کروانے کے ریمانڈ استدعا کی
لاہور عدالت نے ملزمان 6روزہ جسمانی… pic.twitter.com/XyCenBFDR7
— Shakir Mehmood Awan (@ShakirAwan88) September 29, 2026

بتایا گیا ہے کہ مبینہ زیادتی کے اس واقعے میں سہولت کاری کے الزام میں پولیس نے ایک اور خاتون مسکان کو گرفتار کرلیا، پولیس نے مسکان کو پوش علاقے سے گرفتار کیا، متاثرہ لڑکی کی جوہر ٹاؤن کے ایک کیفے میں بیٹھنے کی تصاویر سامنے آئی تھیں، متاثرہ لڑکی کیفے میں مسکان کے ساتھ بیٹھی نظر آتی ہے۔

معلوم ہوا ہے کہ متاثرہ غیر ملکی لڑکی کے دونوں موبائل فون تاحال برآمد نہیں ہوسکے، لڑکی جوہر ٹاؤن سے سندر کے علاقے میں نجی ہاؤسنگ سوسائٹی گئی تھی، واقعے میں دو ملزمان محسن اور علی پہلے ہی گرفتار ہوچکے تھے جن کا جسمانی ریمانڈ بھی منظور ہوچکا جب کہ تیسرے ملزم تنویر کی گرفتاری کے لیے چھاپے مارے جارہے ہیں۔