وزیر مملکت شہریار آفریدی کا اسلام آباد کی افغان بستی میں افغان طلباء کے لئے سکول کا افتتاح

وزیر مملکت شہریار آفریدی کا اسلام آباد کی افغان بستی میں افغان طلباء ..
اسلام آباد (اُردو پوائنٹ اخبارتازہ ترین - اے پی پی۔ 16 اکتوبر2019ء) وزیر مملکت سیفران و انسداد منشیات شہریار آفریدی نے اسلام آباد کی افغان بستی میں افغان طلباء کے لئے سکول کا افتتاح کیا۔ سکول میں افغان قوم کی نئی نسل کو تعلیم و تربیت کے زیور سے روشناس کرایا جائے گا اور ساتھ ساتھ جدید تعلیم سے بھی آگاہ رکھا جائے گا۔

(جاری ہے)

بدھ کو سکول کے افتتاح کے بعد وزیر مملکت شہریار آفریدی نے میڈیا سے گفتگو کرتے ہوئے کہا کہ دنیا میں پاکستان واحد ملک ہے جس نے گزشتہ 40 سال سے افغان مہاجرین کو پناہ دے رکھی ہے جس کی مثال دنیا میں نہیں ملتی۔

افغان ہمارے بھائی ہیں اور ہمارا مذہب اسلام بھی بھائی چارے اور انسانیت کا درس دیتا ہے۔ وزیراعظم عمران خان افغان قوم کے لئے بہت عزت اور احترام رکھتے ہیں۔ دنیا کو بھی اب احساس کرنا ہوگا اور یہ پوری دنیا کی ذمہ داری ہے کہ وہ دنیا میں جہاں بھی مہاجرین ہوں، ان کی مدد کرے اور ان کی وطن واپسی کے لئے اقدامات اٹھائے جائیں۔

Your Thoughts and Comments