Kehna Baron Ka Mano - Article No. 2572
![Kehna Baron Ka Mano](https://photo-cdn.urdupoint.com/show_img_new/kids/kids_article_images/2023/740x404/pic_37d2d_1692881140.jpg._2)
کہنا بڑوں کا مانو - تحریر نمبر 2572
یہ کہنا نہ ماننے کی سزا ہے لیکن آئندہ شام کے وقت کھیلنا
جمعرات 24 اگست 2023
شاہ بہرام انصاری
موسم گرما کی آدھی چھٹیاں گزر چکی تھیں۔دیگر بچوں کی طرح حسن بھی اپنی چھٹیوں کو انجوائے کر رہا تھا۔اس کے ابو اپنی مصروفیات کے باعث اسے کہیں چھٹیاں گزارنے نہ لے جا سکے چنانچہ وہ گھر پر ہی لطف اندوز ہو رہا تھا۔وہ پڑھائی میں تو اچھا تھا لیکن ساتھ کھیل کود کا بھی بے حد شوقین تھا۔اس نے چھٹیوں کا کافی ہوم ورک کر لیا تھا اور اب سارا دن کھیلتا رہتا تھا۔اس کی امی اسے سمجھاتیں کہ بیٹا!گرمیوں میں اتنا کھیل کود اچھا نہیں ہوتا۔دوپہر کو مت باہر جایا کرو بلکہ شام کے وقت دوستوں کے ساتھ کھیل لیا کرو۔اگر تم نے سکول کا کام کر لیا ہے تو اسے یاد کر لو تاکہ چھٹیوں کے فوراً بعد ہونے والے امتحان میں کامیاب ہو سکو حسن اطمینان و لاپروائی سے جواب دیتا:”امی میں نے کافی سارا ہوم ورک کر لیا ہے،تھوڑا سا باقی ہے،وہ بھی کر لوں گا۔
ابھی تو بہت ساری چھٹیاں باقی ہیں۔“اس کا خیال تھا کہ گرمیوں کی چھٹیاں ہوتی ہی کھیلنے کودنے کے لئے ہیں۔ایک دن دوپہر کو تمام گھر والے کھانا کھا کر اپنے اپنے کمروں میں آرام کر رہے تھے۔حسن نے چپکے سے اپنے کمرے کا دروازہ کھولا اور جب اسے یہ اطمینان ہو گیا کہ سب گھر والے سو چکے ہیں اور اسے کوئی نہیں دیکھ رہا تو وہ دبے پاؤں گھر سے باہر نکل گیا۔حسن کی طرح چند دوسرے بچے بھی گلی میں کرکٹ کھیل رہے تھے۔انہوں نے حسن کو بھی کھیلنے کی دعوت دی جو اس نے اسی وقت قبول کر لی۔شدید گرمی تھی،گلی میں دور تک ویرانی تھی جبکہ وہ مزے سے اپنے کھیل میں مگن تھے حسن کو کھیلے ہوئے ابھی کچھ ہی دیر گزری تھی کہ اسے چکر سا آیا اور اس کا سر گھومنے لگا۔دوستوں نے اسے سنبھالا تو وہ بے ہوش ہو چکا تھا۔وہ اسے پکڑ کر ان کے گھر لے گئے اور اس کی امی کو تمام ماجرا سنایا۔انہوں نے فوراً حسن کو بیڈ پر لٹایا اور اسے پانی کے چھینٹے مارے جس سے اس کے حواس ذرا بحال ہوئے امی نے جلدی سے ڈاکٹر کو فون کر دیا تاکہ معلوم ہو کہ اسے کیا ہوا شکر ہے کہ ڈاکٹر صاحب مل گئے۔انہوں نے حسن کا چیک اپ کیا اور چند دوائیاں دیں۔ساتھ ہی یہ نصیحت بھی کی کہ گرمی کی وجہ سے اسے چکر آ گیا تھا اسی لئے آئندہ دوپہر کو ہر گز مت کھیلے ورنہ دوبارہ یہی معاملہ پیش آ سکتا ہے۔ڈاکٹر چلے گئے تو امی نے حسن کو فریج سے ٹھنڈا ملک شیک نکال کر پلایا اور اسے پیار سے سمجھانے لگیں:”دیکھا بیٹا!میں نے آپ سے کہا تھا ناکہ گرمی میں کھیل کود کرنے سے بچوں کی طبیعت خراب ہو جاتی ہے۔آپ نے میری بات نہ مانی اور دوپہر کو باہر کھیلنے نکل گئے۔یہ کہنا نہ ماننے کی سزا ہے لیکن آئندہ شام کے وقت کھیلنا“ حسن نے امی سے وعدہ کیا کہ وہ باقی چھٹیاں ان کی نصیحت کے مطابق گزارے گا اب وہ صبح سکول کا کام کرتا ہے،دوپہر کو آرام کرتا ہے اور صرف شام کو کھیلتا ہے۔
ساتھیو!گرمیوں کا موسم عروج پر ہے چھٹیوں کا یہ مقصد نہیں کہ آپ ہر وقت کھیلتے رہیں ورنہ آپ کو گرمی لگ سکتی ہے۔دھوپ میں مت کھلیں اور پوری دلچسپی سے سکول کا کام کریں۔امید ہے اس نصیحت کو ایک کان سے سن کر دوسرے کان سے اُڑانے والا کام نہیں کریں گے خدا آپ تمام بچوں کو سلامت اور ہنستا مسکراتا رکھے۔آمین
موسم گرما کی آدھی چھٹیاں گزر چکی تھیں۔دیگر بچوں کی طرح حسن بھی اپنی چھٹیوں کو انجوائے کر رہا تھا۔اس کے ابو اپنی مصروفیات کے باعث اسے کہیں چھٹیاں گزارنے نہ لے جا سکے چنانچہ وہ گھر پر ہی لطف اندوز ہو رہا تھا۔وہ پڑھائی میں تو اچھا تھا لیکن ساتھ کھیل کود کا بھی بے حد شوقین تھا۔اس نے چھٹیوں کا کافی ہوم ورک کر لیا تھا اور اب سارا دن کھیلتا رہتا تھا۔اس کی امی اسے سمجھاتیں کہ بیٹا!گرمیوں میں اتنا کھیل کود اچھا نہیں ہوتا۔دوپہر کو مت باہر جایا کرو بلکہ شام کے وقت دوستوں کے ساتھ کھیل لیا کرو۔اگر تم نے سکول کا کام کر لیا ہے تو اسے یاد کر لو تاکہ چھٹیوں کے فوراً بعد ہونے والے امتحان میں کامیاب ہو سکو حسن اطمینان و لاپروائی سے جواب دیتا:”امی میں نے کافی سارا ہوم ورک کر لیا ہے،تھوڑا سا باقی ہے،وہ بھی کر لوں گا۔
(جاری ہے)
ساتھیو!گرمیوں کا موسم عروج پر ہے چھٹیوں کا یہ مقصد نہیں کہ آپ ہر وقت کھیلتے رہیں ورنہ آپ کو گرمی لگ سکتی ہے۔دھوپ میں مت کھلیں اور پوری دلچسپی سے سکول کا کام کریں۔امید ہے اس نصیحت کو ایک کان سے سن کر دوسرے کان سے اُڑانے والا کام نہیں کریں گے خدا آپ تمام بچوں کو سلامت اور ہنستا مسکراتا رکھے۔آمین
Browse More Moral Stories
![Aitbar](https://photo-cdn.urdupoint.com/show_img_new/kids/kids_article_images/2021/220x220/pic_a236c_1617801519.jpg._1)
اعتبار
Aitbar
![Bhayya Ka Roza](https://photo-cdn.urdupoint.com/show_img_new/kids/kids_article_images/2015/220x220/pic_1448948920.jpg._1)
بھیا کا روزہ
Bhayya Ka Roza
![Bajre Ki Meethi Tikya](https://photo-cdn.urdupoint.com/show_img_new/kids/kids_article_images/2019/220x220/pic_a695b_1571823343.jpg._1)
باجرے کی میٹھی ٹکیہ
Bajre Ki Meethi Tikya
![Aik Rupaye Ka Aik Lafz](https://photo-cdn.urdupoint.com/show_img_new/kids/kids_article_images/2021/220x220/pic_9582c_1615639557.jpg._1)
ایک روپے کا ایک لفظ
Aik Rupaye Ka Aik Lafz
![Chidiya Ki Nasihat](https://photo-cdn.urdupoint.com/show_img_new/kids/kids_article_images/2023/220x220/pic_d60dc_1698324935.jpg._1)
چڑیا کی نصیحت
Chidiya Ki Nasihat
![12 Shehzadiyan](https://photo-cdn.urdupoint.com/show_img_new/kids/kids_article_images/2022/220x220/pic_64126_1643633577.jpg._1)
بارہ شہزادیاں
12 Shehzadiyan
Urdu Jokes
ایک جہاز میں ایک جاپانی
aik jahez main aik japani
بڑے آئے سمجھانے والے
barray aaye samjhane walay
ہمدردی کے دو بول
Hamdardi K do Bool
چوری
chori
شکور
Shakoor
محفل موسیقی
mehfil e mausiqi
Urdu Paheliyan
ایک ہے ایسا قصہ خوان
aik hi aisa qissa khan
دیکھا ہم نے ایک گدھا
dekha hamne ek gadha
ایسا بنگلہ کوئی دکھائے
esa bangla koi dikhaye
شیشے میں ہے لال پری
sheeshe me hai lal pari
جال کے اوپر چڑیا آئے
jaal ke opar chirya aye
نگر نگر مکے چکر کاٹے
nagar nagar mukky chakkar kate
ArticlesStoriesMiscellaneousGamesBaby NamesUrdu Videos