Maghroor Bhindi - Article No. 2132
![Maghroor Bhindi](https://photo-cdn.urdupoint.com/show_img_new/kids/kids_article_images/2021/740x404/pic_9c853_1638878129.jpg._2)
مغرور بھنڈی - تحریر نمبر 2132
آپ بھنڈی کے ساتھ آلو ڈال بھی دیں تو آپ کو کھانے میں مزہ نہیں آئے گا،کیونکہ آلو ساری سبزیوں کا دوست ہے اور بھنڈی کو کوئی خاص پسند نہیں کرتا
منگل 7 دسمبر 2021
گئے وقتوں کی بات ہے۔گرمی شروع ہو چکی تھی اور شدت سے بڑھ رہی تھی۔ہر انسان گرمی میں پسینے سے شرابور ہو رہا تھا اور یہی حال سبزیوں کا بھی تھا۔گاؤں میں بہت سے کھیت تھے۔ان کھیتوں میں کچھ سبزیاں اُگی ہوئی تھیں۔اچانک کسی کے چیخنے کی آواز آئی۔ڈر کے مارے آلو میاں،لیمو،ٹماٹر،بینگن،کدو اور مرچیں اکٹھے ہو کر ایک ساتھ آواز کی طرف دیکھنے لگے۔انھیں پتا تھا کہ یہ آواز مغرور بھنڈی کی ہے۔اسی وقت کھیت سے ایک لمبی اور اسمارٹ سی بھنڈی آ نکلی:”ہائے ہائے!کتنی گرمی ہے اور کتنی تیز دھوپ چمک رہی ہے،ارے ہٹو ہٹو یہاں سے آلو!ہر وقت آ کے کھڑے ہو جاتے ہو سر پر،اوپر سے اتنے موٹے موٹے ہو کہ بس۔ارے میری طرح اسمارٹ رہا کرو، خوبصورت رہا کرو۔
(جاری ہے)
ارے ہاں،میں تو بھول ہی گئی خوبصورتی تو تم لوگوں کو چھو کے بھی نہیں گزری۔
خاص طور پر آلو میاں!تم کتنے گندے رہتے ہو اور کتنے موٹے ہو اور تمہیں کھانے والا بھی موٹا ہو جاتا ہے۔“ان ساری باتوں سے آلو کا دل بہت دکھا۔آلو دل کا اچھا تھا۔وہ ہمیشہ اس کی باتوں کو نظر انداز کرتا اور وہ بھنڈی کو کچھ نہیں کہتا تھا۔یہ بات ساری سبزیوں کو پتا تھی۔بھنڈی بہت مغرور تھی۔وہ ہمیشہ اپنے آپ کو خوبصورت سمجھتی تھی۔وہ ساری سبزیاں بھنڈی کو پسند نہیں کرتی تھیں، جب کہ سب آلو کو پسند کرتی تھیں۔بھنڈی کو یہ بات بہت بُری لگتی تھی۔اسے آلو سے بہت چڑ تھی۔ایک دن آلو نے ساری سبزیوں سے کہا کہ بھنڈی سے میری صلاح کرا دیں۔وہ سب بھنڈی کی طرف چل پڑے۔جب بھنڈی کو یہ پتا چلا تو بھنڈی نے ساری سبزیوں کو کھری کھری سنائی اور خوب بے عزتی کی۔
آلو کو اس کے موٹے ہونے کا طعنہ دیا،جس سے آلو میاں کا دل ٹوٹ گیا اور بھنڈی کو بہت بُری بد دعا دی۔آپ لوگوں نے تو مشاہدہ کیا ہی ہو گا کہ اکثر جب آپ لوگ بھنڈی پکاتے ہیں اسے اکیلا یا صرف گوشت کے ساتھ پکاتے ہیں۔بھنڈی کے علاوہ کچھ اور سبزی بناتے ہیں تو آپ اس میں آلو ڈالتے ہوں گے۔جیسے کہ آلو مٹر،آلو پالک،آلو گوبھی،آلو ٹماٹر،آلو مرچیں اور بھی بہت سی سبزیاں ہیں جو آلو کے ساتھ اچھی لگتی ہیں۔اگر آپ بھنڈی کے ساتھ آلو ڈال بھی دیں تو آپ کو کھانے میں مزہ نہیں آئے گا،کیونکہ آلو ساری سبزیوں کا دوست ہے اور بھنڈی کو کوئی خاص پسند نہیں کرتا۔یہ ہے مغرور بھنڈی کا انجام۔یقینا میری طرح آپ کو بھی آلو بہت پسند ہو گا۔
Browse More Moral Stories
![Panchwaan Mujrim](https://photo-cdn.urdupoint.com/show_img_new/kids/kids_article_images/2020/220x220/pic_c5a40_1585398514.jpg._1)
پانچواں مجرم
Panchwaan Mujrim
![Bad Gumani](https://photo-cdn.urdupoint.com/show_img_new/kids/kids_article_images/2018/220x220/pic_3f35d_1538047994.jpg._1)
بد گمانی
Bad Gumani
![Sainkaron Saal Baad](https://photo-cdn.urdupoint.com/show_img_new/kids/kids_article_images/2016/220x220/pic_1478341030.jpg._1)
سینکڑوں سال بعد
Sainkaron Saal Baad
![Timmy Aur Zoomi](https://photo-cdn.urdupoint.com/show_img_new/kids/kids_article_images/2023/220x220/pic_5101d_1686056273.jpg._1)
ٹمی اور زومی
Timmy Aur Zoomi
![Khwahish Aur Qurbani - Akhri Hissa](https://photo-cdn.urdupoint.com/show_img_new/kids/kids_article_images/2023/220x220/pic_433dd_1674477712.jpg._1)
خواہش اور قربانی (آخری حصہ)
Khwahish Aur Qurbani - Akhri Hissa
![Maila Aur Bail](https://photo-cdn.urdupoint.com/show_img_new/kids/kids_article_images/2017/220x220/pic_1485426189.jpg._1)
میلا اور بیل
Maila Aur Bail
Urdu Jokes
ماں بیٹے سے
Maa bete se
کھارا،باسی، مہنگا
Khara Basi Mehnga
نوکرانی
naukri
ایک لڑکی اپنی سہیلی
Aik larki apni saheli
ٹپ
Tub
سکول
School
Urdu Paheliyan
آپ نے ہاتھ میں اسے سمبھالا
apny hath me is shambhala
مار پٹی تو شور مچایا
maar piti tu shor machaya
اپنے دیس میں پلی پلائی
apne dais me pali palai
گن کر دیکھا تو وہ ایک
gin kar dekha tu wo aik
اک جتھے کا وہ سردار
aik juthy ka wo sardar
کوئی بادل اور نہ سایا
koi badal or na saya