ٹک ٹاکر پاری پرو نے سوشل میڈیا اسٹار بننے کا سفر مداحوں سے شئیر کر دیا

*کراچی (اُردو پوائنٹ اخبارتازہ ترین - آن لائن۔ 08 ستمبر2026ء) ٹک ٹاکر پاری پرو نے پاکستان کی سوشل میڈیا اسٹار بننے کا سفر مداحوں سے شئیر کر دیا۔پاکستانی پرفارمر پاری پرو کیلئے اسٹیج کی براہِ راست پرفارمنس سے لے کر لاکھوں لوگوں کے موبائل فونز کی اسکرین تک پہنچنے کا سفر بڑی حد تک ٹک ٹاک کے بڑھتے ہوئے اثر و رسوخ سے جڑا ہوا ہی,اداکارہ، ڈانسر اور اسٹیج پرفارمر کے طور پر پہچانی جانے والی پاری پرو نے پاکستان بھر میں شادیوں، نجی تقریبات اور اسٹیج شوز میں اپنی پرفارمنس کے ذریعے عوامی سطح پر ایک نمایاں مقام بنایا تاہم سوشل میڈیا نے ان کی اسٹیج سے وابستہ سرگرمیوں کو ایک وسیع تر ڈیجیٹل ناظرین تک پہنچانے میں اہم کردار ادا کیا۔

(جاری ہے)

پاری پرو نے اپنی سوشل میڈیا سرگرمیوں کے حوالے سے ٹک ٹاک کو ناظرین سے رابطے اور اپنی پرفارمنس کو پاکستان کے مختلف علاقوں تک پہنچانے کا ایک اہم ذریعہ قرار دیا ہے۔ ان کے مطابق یہ پلیٹ فارم انہیں اپنے مداحوں اور ان لوگوں سے جڑے رہنے کا موقع فراہم کرتا ہے جو ان کی پرفارمنس دیکھتے اور ان کے کام کو پسند کرتے ہیں۔