ملک کی بالائی علاقوں میں موسم جزوی ابرآلود رہے گا

اسلام آباد ۔ (اُردو پوائنٹ اخبارتازہ ترین - اے پی پی۔ 13 فروری2020ء) ملک کی بالائی علاقوں میں موسم جزوی ابرآلود رہے گا تاہم کشمیر اور گلگت بلتستان میں چند مقامات پر بارش اور پہاڑوں پر برف باری کا امکان ہے جبکہ بیشتر علاقوں میں موسم سرد اور خشک رہے گا۔ محکمہ موسمیات کے مطابق (آج) جمعہ کو اسلام آباد میں موسم خشک رہے گا۔ کشمیر اور گلگت بلتستان میں بارش اور پہاڑوں پر برف باری کا امکان ہے۔

خیبرپختونخواکے بیشتر اضلاع میں موسم سرد اور خشک رہے گا۔ سندھ کے بیشتر اضلاع میں موسم خشک رہنے کی تو قع ہے۔ پنجاب کے بیشتر اضلاع میں موسم خشک رہے گا۔ بلوچستان کے بیشتر اضلاع میں موسم سرد اور خشک جبکہ کوئٹہ، چمن، زیارت اور ژوب میں سرد رہے گا۔ گذشتہ 24 گھنٹوں کے دوران بالائی خیبرپختونخوا،کوئٹہ، ژوب، مری، نورپور تھل، جوہر آباد، بھکر، گلگت بلتستان اور کشمیر کے چنداضلاع میں بارش ہوئی۔

(جاری ہے)

اس دوران سکردو، کالام میں برف باری بھی ریکارڈ کی گئی جبکہ ملک کے دیگر علاقوں میں موسم سرد اور خشک رہا۔ دیر (بالائی 29، زیریں 08)، کالام 22، پٹن 21 ، چترال 17 ، دروش 12، بالاکوٹ 11، پاراچنار 10، میرکھانی 09، مالم جبہ 06، سیدوشریف05، کاکول 04، بنوں 03، تخت بھائی01، کوئٹہ (ائیر پورٹ 07، سٹی 01)، ژوب 02، استور 06، سکردو 02، مظفرآباد (ایئر پورٹ 06، سٹی 05)، گڑھی دوپٹہ 03، جوہرآباد ، نور پورتھل 02، بھکر اور مری میں ایک ملی میٹر بارش ریکارڈ کی گئی جبکہ کالام 03 اور سکردو میں ایک انچ برف باری ہوئی۔ جمعرات کو ملک میں کم سے کم درجہ حرارت پاراچنار منفی 10، سکردو، گوپیس منفی 06، بگروٹ منفی 05، ہنزہ اور استور میں منفی 02 ڈگری سینٹی گریڈ ریکارڈ کیا گیا۔

Your Thoughts and Comments