بجٹ ہر طرح سے عوام دوست بجٹ کہلانے کا حقدار ہے : کرنل (ر) ہاشم ڈوگر

لاہور (اُردو پوائنٹ اخبارتازہ ترین - آن لائن۔ 14 جون2021ء)صوبائی وزیر بہبود آبادی پنجاب کرنل (ر) ہاشم ڈوگر نے تمام کابینہ اور عوام کو بہترین بجٹ پیش کرنے پر مبارکباد پیش کی ہے۔ صوبائی وزیر نے پنجاب کے مالی سال 2021-21 کے بجٹ کے بجٹ پر تبصرہ کرتے ہوئے کہا ہے کہ کابینہ نے وزیر اعلی پنجاب سردار عثمان بزدار کی قیادت میں وزیر اعظم عمران خان کے ویژن کے عین مطابق بجٹ میں عوام کو بھرپور ریلیف دینے کی کوشش کی ہے۔

انہوں نے کہا کہ بزدار حکومت نے آئندہ مالی سال میں عوام کی مالی مشکلات کا ادراک کرتے ہوئے ان پر ٹیکسوں کا مزید بوجھ ڈالنے کی بجائے اسے کم کرنے کی جانب توجہ دی ہے۔ ہاشم ڈوگر نے کہا کہ یہ بجٹ ہر طرح سے عوام دوست بجٹ کہلانے کا حقدار ہے۔ انہوں نے کہا کہ سرکاری ملازمین کی مشکلات کو مدنظر رکھتے ہوئے آئندہ مالی سال 2021-22 میں تنخواہوں اور پیشن میں دس فیصد اضافہ کیا گیا ہے۔

(جاری ہے)

پاکستان تحریک انصاف کی حکومت نے پاپولیشن کے شعبے پر خصوصی توجہ دیتے ہوئے اور آبادی میں اضافے کے اثرات کو سمجھتے ہوئے گزشتہ سال کی طرح آئندہ سال 2021-22 میں بہبود آبادی کے لئے خاطر خواہ فنڈز مختص کئے ہیں۔ غریب خواتین کی آمدنی میں اضافے کے لیے 70 کروڑروپے کی لاگت سے WINGSپروگرام کا آغاز خوش آئند ہے۔ حکومت پنجاب کا 9ارب روپے کی لاگت سے Skilling Youth for Income Generation کا منصوبہ ملک سے بے روزگاری ختم کرنے میں اہم کردار ادا کرے گا۔

پنجاب میں وسائل کی متوازن تقسیم کے لئے جنوبی پنجاب کے الگ ترقیاتی پروگرام کی اشاعت پاکستان تحریک انصاف کی حکومت کا ایک تاریخی اقدام ہے۔ پاکستان ایک ذرعی ملک ہے اور ذراعت کا شعبہ اس کی ریڑھ کی ہڈی کی حیثیت رکھتا ہے۔ اسی لئے اگلے مالی سال میں محکمہ زراعت کے ترقیاتی بجٹ کو306%کے تاریخی اضافے کے ساتھ7ارب75کروڑ روپے سے بڑھا کر31ارب50 کروڑ روپے کرنے کی تجویز خوش آئند ہے۔

Your Thoughts and Comments