Ghar Par Beauty Products Tayyar Karne Ke Aasaan Tareeqe - Article No. 3417

آمنہ ماہم
خشک جلد کے لئے سوپ
کوئی عام سا بیوٹی سوپ کدوکش کر لیں۔یہ ایک کھانے کا چمچ، دودھ آدھا کپ، شہد ایک کھانے کا چمچ، لیموں کا رس ایک کھانے کا چمچ اور گلیسرین ایک کھانے کا چمچ لے کر ان تمام اجزاء کو پتیلے میں ڈال کر چولہے پر چڑھا دیں۔ہلکی آنچ پر اتنا پکائیں کہ کدوکش کیا ہوا سوپ حل ہو جائے۔حل ہونے کے بعد چولہے سے اُتار کر سوپ کے سانچے میں ڈال کر ٹھنڈا کرنے کے لئے رکھ دیں۔پوری رات کے لئے چھوڑ دیں، صبح چیک کریں گے تو آپ کا سوپ تیار ہو گا۔
چکنی جلد کے لئے سوپ
چکنی جلد تو قدرت کا انمول تحفہ ہوتی ہے۔چکنی جلد والی خواتین اگر اپنی جلد کی حفاظت طریقے سے کریں تو ہمیشہ جوان نظر آئیں گی۔

(جاری ہے)

ایسی جلد کی حامل خواتین کے چہرے عموماً جھریوں سے پاک ہوتے ہیں۔

یہی وجہ ہے کہ چکنی جلد، خشک جلد کی نسبت زیادہ جوان اور پُرکشش نظر آتی ہے۔جہاں چکنی جلد کے بے شمار فوائد ہیں وہیں اگر آپ نے اپنی جلد کا خیال نہ رکھا تو آپ کو بے شمار جلدی مسائل بھی پیش آ سکتے ہیں۔ان مسائل سے بچنے کے لئے میں آپ کو ہوم میڈ سوپ بنانے کا طریقہ بتا رہی ہوں۔
سوپ تیار کرنے کے لئے عام بیوٹی سوپ کدوکش کیا ہوا ایک کھانے کا چمچ، عرقِ گلاب آدھا کپ، گلاب کی پتیاں 1/4 کپ، شہد ایک چائے کا چمچ اور مالٹے کے چھلکے پسے ہوئے ایک چائے کا چمچ لے کر ان اجزاء کو دیگچی میں ڈال کر ہلکی آنچ پر اتنا پکائیں کہ سوپ حل ہو جائے۔حل ہو جانے پر چولہے سے اُتار کر رکھ دیں اور ایک دن بعد سوپ جم جائے تو اسے استعمال کریں۔بہترین نتائج کے لئے صابن چہرے پر لگا کر دو منٹ تک چہرے کا مساج کریں، بہت جلد آپ کا چہرہ چمک اُٹھے گا۔