Aam Ka Jam Recipe In Urdu - Recipe No. 526

دوسرے درجہ کے کچے تیار شدہ آم جام کی تیاری کے لیے منتخب کریں اور ان کو دھو کر چھیل لیں۔ صاف چاقو کی مدد سے آم کے گودے کو چھوٹے چھوٹے ٹکڑوں میں کاٹ لیں تاکہ وہ گرم کرنے میں آسانی سے گل جائیں کٹے ہوئے پھل اور گٹھیوں کو چار فیصد نمک کے محلول میں ڈالتی جائیں تاکہ ان کی رنگت تبدیل نہ ہونے پائے۔ جب تمام پھل تیار ہو جائے تو اسے قلعی شدہ ایلونیم کی دیگچی میں منتقل کر کے اتنا پانی ڈالیں کہ تمام ٹکڑے پانی میں اچھی طرح ڈوب جائیں پھر آگ پر رکھ کر اتنا ابالیں کہ ٹکڑے نرم ہو جائیں۔ آگ سے اتار کر ٹھنڈا کریں اور ململ کے کپڑے میں ڈال کر دبا دبا کر گودا حاصل کر لیں۔
گودے میں برابر وزن کھانڈ ملا کر اتنا پکائیں کہ اس کا درجہ حرارت ۲۲۰ فارن ہائیٹ ہو جائے پھر آگ سے اتار کر ٹھنڈا کریں۔ جب درجہ حرارت ۱۸۵ فارن ہیٹ رہ جائے تو اسے جراثیم سے پاک خشک شدہ شیشے کے جاروں میں بھر لیں۔ جب جار اچھی طرح ٹھنڈے ہو جائیں تو ان پر پگھلی ہوئی موم ڈال کر ڈھکنے لگا دیں۔