Ice Cream Plain Recipe In Urdu

آئس کریم سادہ بنانے کی ترکیب

Ice Cream Plain Recipe In Urdu

اشیاء:
دودھ ایک لیٹر
الائچی سبز 8عدد
چینی حسب ضرورت
برف تین کلو
نمک 100گرام
قلمی شورہ 50گرام
ترکیب:
آئس کریم مشین کو اچھی طرح صاف کر لیجئے۔ دودھ میں حسب ضرورت چینی ملائیے اور دودھ کو پکاپکا کرگاڑھا کر لیجئے۔ الائچی کے دانے پیس کر دودھ میں ملا دیجئے اور یہ تیارشدہ دودھ ٹھنڈا کر کے آئس کریم مشین کے ڈبے میں ڈال دیجئے اور ڈھکنا خوب اچھی طرح سے بند کر دیجئے۔ برف کوٹ کر اس میں نمک اور قلمی شورہ ملا کر دودھ والے ڈبے کے چاروں طرف بھر دیجئے اور دس پندرہ منٹ پڑا رہنے دیجئے۔ اب مشین کی ہتھی کو گھمانا شروع کیجئے اور تیز تیز چلاتے جائیے۔ تقریباً 4/3گھنٹے تک مشین چلائیے۔ برف کم ہو جائے تو اور ڈال دیجئے۔ آئس کریم جب جمنے کے قریب ہو گی تو مشین کی ہتھی سخت ہوتی جائے گی۔ اب دودھ والے ڈبے کا ڈھکنا ذرا سا اُٹھا کر دیکھ لیجئے۔ آئس کریم جم گئی ہو تو ہتھی گھما نا بند کر دیجئے اور آئس کریم کپ یا پلیٹ میں ڈال کر پیش کیجئے۔
اگر مشین کی بجائے فریج سے آئس کریم تیار کرنا ہو تو تیار شدہ دودھ سانچے میں ڈال کر آئس بکس میں رکھ دیجئے۔ تقریباً چار گھنٹے بعد آئس کریم جم کر تیار ہو جائے گی۔ حسب پسند اس آئس کریم میں بادام ، پستہ وغیرہ کا اضافہ بھی کیا جا سکتا ہے۔

متعلقہ پکوان

(3810) ووٹ وصول ہوئے

More Recipes From Homemade Ice Cream - مزید آئس کریم۔ مختلف اقسام کی آئس کریم

More Recipes - مزید تراکیب

Urdu cooking recipe of Ice Cream Plain, learn easy method to make it, This recipe has all the ingredients of it, with easy step by step instructions and methods to make it and cook it. Ice Cream Plain is a Homemade Ice Cream, and listed in the Homemade icecream. Other Urdu cooking recipes and video cooking recipes are also available online.