Vegetable Pan Cake Tips in Urdu - Vegetable Pan Cake Totkay - Tip No. 7207

گاجر،بند گوبھی اور ہری پیاز کو باریک کاٹ کر رکھ لیں۔میدہ اور چاول کا آٹا ملا کر اس میں نمک،کالی مرچ،چائنیز نمک،چینی اور سفید مرچ ملا کر رکھ لیں۔
انڈے کو بڑے پیالے میں پھینٹیں اور اس میں تھوڑا تھوڑا کرکے میدے کا مکسچر شامل کریں پھر کٹی ہوئی سبزیاں،سرکہ اور سویا ساس ڈال کر پانی ڈالتے ہوئے پیسٹ بنا لیں۔
شملہ مرچ کو اوپر سے کاٹ کر احتیاط سے بیج نکال لیں اور ان کے گولائی میں موٹے سلائس کاٹ لیں۔
نان اسٹک پین کو چولہے پر گرم کریں اور اس میں چند قطرے کوکنگ آئل کے ڈال کر پھیلا لیں۔
اس میں شملہ مرچ کا سلائس رکھیں اور اس کے درمیان میں دو کھانے کے چمچ پین کیک کا مکسچر ڈالیں۔
ہلکی آنچ پر اتنی دیر سینکیں کہ ہلکے سنہری ہو جائے،انھیں شملہ مرچ سمیت ہی پلیٹ میں نکال لیں۔اسی طرح سے تمام پین کیک بنا لیں۔
ان مزیدار اور خوبصورتی سے بنے ہوئے پین کیک کو بچے اور بڑے دونوں ہی پسند کریں گے۔