زلزلے سے مزید نقصان کا خدشہ ہے قوم مصیبت زدہ بھائیوں کی مدد کرے، عبدالمالک

جمعہ 27 ستمبر 2013 14:15

کوئٹہ(اُردو پوائنٹ تازہ ترین اخبار۔ 27ستمبر 2013ء) وزیراعلیٰ بلوچستان ڈاکٹرعبدالمالک بلوچ نے کہا ہے کہ زلزلے کے باعث ہلاکتیں اور نقصان بڑھنے کاخدشہ ہے لہٰذا قوم اس مرحلے میں اپنے مصیبت زدہ بہن بھائیوں کی دل کھول کرمدد کرے۔

(جاری ہے)

برطانیہ کا دورہ مختصرکرکےوطن واپس پہنچنے کے بعد کوئٹہ ایئرپورٹ پر میڈیا سے بات کرتے ہوئے وزیراعلیٰ بلوچستان کا کہنا تھا کہ قوم کو چاہئے کہ وہ مصیب کی اس گھڑی میں اپنے بہن بھائیوں کو تنہا نہ چھوڑیں اور اس کے ساتھ ساتھ یہ بھی ضروری ہے کہ ہم عالمی برادری سے بھی اپیل کریں وہ بھی مشکل کی اس گھڑی میں ہماری مدد کرے۔

وزیراعلیٰ بلوچستان ڈاکٹر عبدالمالک کا مزید کہنا تھا کہ زلزلے باعث اب تک 330 ہلاکتیں ہوچکی ہیں تاہم خدشہ ہے کہ زلزلے کے باعث ہلاکتیں اور نقصان مزید بڑھ سکتا ہے۔

Facebook Twitter Google + Share on Whatsapp

زلزلے سے مزید نقصان کا خدشہ ہے قوم مصیبت زدہ بھائیوں کی مدد کرے، عبدالمالک

متعلقہ عنوان :

مزید اہم خبریں