طالبان کا افغان پولیس کمپاؤنڈ پر حملہ ،کئی گھنٹوں کے بعد آپریشن مکمل،سات ہلاک،ہلاک ہونے والوں میں پولیس اہلکار بھی شامل،تینوں حملہ آوربھی مارے گئے،طالبان نے برقعے اوڑھ رکھے تھے،حکام، خود کش حملہ آور نے بارود سے بھری گاڑی ضلع سروبی میں پولیس ہیڈ کوارٹر کے داخلی دروازے سے ٹکرا دی،طالبان نے ذمہ داری قبول کرلی
جمعہ 21 فروری 2014 20:28
کابل(اُردو پوائنٹ اخبار تازہ ترین۔21 فروری ۔2014ء) افغانستان کے دارالحکومت کابل میں پولیس ہیڈ کوارٹر پر خود کش حملے کے بعد کیاگیا ملٹری آپریشن مکمل ہوگیا،حملے میں پولیس اہلکاروں سمیت سات افرادہلاک ہوگئے جبکہ حملے میں تینوں خودکش بمبار بھی مارے گئے ،غیر ملکی خبر رساں ادارے کے مطابق نائب وزیرداخلہ ایوب سولنگی نے بتایاکہ جمعہ کو تین خودکش بمباروں نے افغان پولیس کمپاؤنڈ پر دھاوابول دیا،انہوں نے بتایاکہ تینوں حملہ آور کارپر سوار تھے ایک نے خود کش جیکٹ پہن رکھی تھی جبکہ باقی دونوں کارمیں مسلح تھے اوردھماکہ خیز مواد نصب کیاگیاتھا ،انہوں نے کہاکہ ایک حملہ آور نے اترکر مرکزی دروازہ کھولنے کی کوشش کی تاہم ناکامی پر اس نے خود کو اڑالیا،انہوں نے بتایاکہ باقی دونوں حملہ آوروں نے برقعے پہن رکھے تھے اورانہوں نے فائرنگ شروع کردی ،جس کے بعد پولیس نے بھی جوابی فائرنگ کی دوگھنٹے تک جاری رہنے والی لڑائی میں پولیس اہلکاروں سمیت سات افرادہلاک اورتینوں خودکش حملہ آور بھی مارے گئے،انہوں نے کہاکہ دھماکے میں شدت پسندوں کی گاڑی بھی مکمل طورپر تباہ ہوگی فائرنگ سے کمپاؤنڈ کو بھی نقصان پہنچا،انہوں نے کہاکہ واقعے کے بعد کچھ دیر کے لیے جلا ل آباد،کابل روڈ کو بندکردیاگیا،افغان صوبے کابل کے پولیس چیف جنرل محمد ظاہر کے مطابق ایک خود کش حملہ آور بارود سے بھری گاڑی ضلع سروبی میں پولیس ہیڈ کوارٹر کے داخلی دروازے سے ٹکرا دی جبکہ برقعہ پہنے دو مزید حملہ آوروں نے بھی اندھا دھند فائرنگ کر دی ،طالبان ترجمان ذبیح اللہ مجاہد کا پولیس ہیڈ کوارٹر پر حملے کی ذمہ داری قبول کر تے ہوئے کہاکہ حملہ آور ان کے ساتھی تھے۔
(جاری ہے)
مزید اہم خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
اسرائیل سے الجزیرہ نیوز چینل پر پابندی کا فیصلہ واپس لینے کا مطالبہ
-
جنگ ہو یا امن دائیاں خدمات سرانجام دیتی رہتی ہیں
-
سوڈان: یو این اداروں کو ڈارفر میں قحط برپا ہونے کا خدشہ
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.