شعیب اختر کا آئی سی سی سے فاسٹ بولرز کے ’’ہاتھ کھولنے‘‘ کا مطالبہ
ہفتہ 10 مئی 2014 11:59
دبئی(اُردو پوائنٹ تازہ ترین اخبار۔ 10مئی 2014ء) شعیب اختر نے آئی سی سی سے فاسٹ بولرز کے ’’ہاتھ کھولنے‘‘ کا مطالبہ کر دیا، ان کے مطابق قوانین میں تبدیلی سے ہی معیاری پیسرز سامنے آ سکیں گے۔ دبئی میں ایک خلیجی اخبار کو انٹرویو کرتے ہوئے انھوں نے کہا کہ موجودہ دور میں کرکٹ کا معیار گر چکا ہے، مجھے صرف پاکستان،بھارت یا براعظم ایشیاکے ممالک سے ہی اچھے فاسٹ بولرز منظرعام پر آنے کی امید ہے، انھوں نے مزید کہا کہ شائقین کوتیز رفتار بولنگ سے محبت ہے لیکن حالیہ قوانین نے ان کے ہاتھ باندھے ہوئے ہیں، میری انٹرنیشنل کرکٹ کونسل سے درخواست ہے کہ وہ پیسرز پر عائد پابندیوں کو نرم کریں ، اسی صورت حقیقی فاسٹ بولرز سامنے آ سکیںگے۔
شعیب اختر نے مزید کہا کہ بیٹسمین کو دہشت زدہ کرنا میری بولنگ کا ایک چھپا ہتھیار تھا، البتہ گراؤنڈ سے باہر میں خاموش اور دوستانہ مزاج رکھتا ہوں۔(جاری ہے)
شعیب اختر نے متعدد بار100میل فی گھنٹہ کی رفتار سے بولنگ کی ہے، انھوں نے کہا کہ حریف پلیئر کو دہشت زدہ کرنا فاسٹ بولنگ آرٹ کا ایک حصہ ہے، اس کا تعلق کسی کو صرف زخمی کرنا یا اننگز سے باہر کرنا نہیں ہوتا، انھوں نے مزید کہا کہ بدقسمتی سے لوگ اب بھی یہی سوچتے ہیں کہ میں کھیل سے الگ ہونے کے باوجود جارحانہ مزاج رکھنے والا شخص ہوں، البتہ میں سب کو بتانا چاہتا ہوں کہ گراؤنڈ سے باہر پُرسکون اور دوستانہ مزاج کا حاصل انسان ہوں۔
یاد رہے کہ شعیب اختر نے ایک مرتبہ کولکتہ کے ایڈن گارڈنز پر سابق عظیم بھارتی بیٹسمین سچن ٹنڈولکر اور راہول ڈریوڈ کو لگاتار گیندوں پر آؤٹ کیا تھا،38 سالہ پیسر نے کہا کہ ان 2دو گیندوں نے مجھے شہرت دی تھی۔البتہ سابق ویسٹ انڈیز عظیم بیٹسمین برائن لارا کے سر پر گیند لگنا افسوسناک لمحہ اور میں ہمیشہ اسے یاد رکھتا ہوں، وہ ٹنڈولکر کی طرح ایک مایہ ناز بیٹسمین تھے ، میں نے بھارتی اسٹارکیخلاف بہت بولنگ کی لیکن بدقسمتی سے لارا کیخلاف زیادہ گیندیں نہیں کرسکا، میں نے ان کیخلاف صرف تین گیندیں کی تھیں اور تیسری ان کے سر پر لگی، جس پر اسپتال بھیج دیا گیا جو اچھی بات نہ تھی۔ شعیب اختر نے سری لنکا اور ممبئی انڈینز کے بولر لسیتھ مالنگا کو سراہا۔
مزید اہم خبریں
-
میرٹ اور قابلیت کی بنیاد پر افسران کی تعیناتی، وزیر اعلیٰ مریم نواز شریف متحرک،خود انٹرویوز کئے
-
سفیرپاکستان فیصل نیاز ترمذی کا ابوظہبی میں جاری بین الاقوامی کتاب میلے کا دورہ
-
نوازشریف ، شہبازشریف ،بلاول سے کہتا ہوں اقتدار چھوڑو، آؤ ! اکٹھے عوام میں جاتے ہیں
-
نائب وزیراعظم محمد اسحاق ڈارکی ورلڈ اکنامک فورم کے اجلاس کے موقع پر سعودی وزیر توانائی شہزادہ عبدالعزیز بن سلمان سے ملاقات
-
ضلع خیبر میں سکیورٹی فورسز کا آپریشن، 4 دہشتگرد مارے گئے
-
پنجاب میں عام تعطیل کا اعلان
-
گلگت بلتستان میں پن بجلی کی بے پناہ صلاحیت کو ترقی کیلئے استعمال کرنے کی ضرورت ہے، صدر مملکت آصف علی زرداری کی گلگت بلتستان کے گورنر اور وزیر اعلیٰ سے ملاقات میں گفتگو
-
وفاقی وزیرداخلہ محسن نقوی کا پاسپورٹ آفس کا دورہ ، شہریوں سے مسائل دریافت کئے
-
عام انتخابات میں شب خون مارا گیا، الیکشن کمیشن کو پہلے سے فارم 47 لکھ کر دیئے گئے
-
جلسہ کرنا پی ٹی آئی کا آئینی حق ہے، اسد قیصر کے مطالبے کی حمایت کرتا ہوں
-
غزہ میں جنگ بندی کے لیے سعودی عرب میں ملاقات
-
وزیردفاع خواجہ محمد آصف سے ترکیہ کی بری افواج کے کمانڈرجنرل سیلکوک بایراکتاراوغلو کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.