میرے ایک اشارے پر کارکن اسلام آباد کو تہس نہس کر دیں گے، عمران خان
منگل 19 اگست 2014 17:23
اسلام آباد(اُردو پوائنٹ تازہ ترین اخبار۔ 19اگست 2014ء) عمران خان کہتے ہیں کہ نواز شریف فوری طور پر استعفیٰ دیں، اس کے علاوہ کچھ بھی قابل قبول نہیں، ڈپلومیٹک انکلیو کے پاس سے بھی نہیں گزریں گے، پارلیمنٹ ہاؤس کے باہر احتجاجی دھرنا دیں گے، میرے ایک اشارے پر کارکن اسلام آباد کو تہس نہس کردیں گے، میں چاہتا ہوں فوج نہ آئے، گلو بٹوں نے کوئی کارروائی کی تو نواز شریف کو نہیں چھوڑیں گے۔
پاکستان تحریک انصاف کے سربراہ عمران خان کا کہنا تھا کہ نواز شریف کی وزارت عظمیٰ ان کے بزنس سے جڑی ہوئی ہے، انہیں ڈر ہے کہ ری الیکشن ہوا تو مسلم لیگ ن کا صفایا ہوجائے گا، لاہور سے اسلام آباد تک لوگوں نے مجھ سے وعدہ لیا کہ نواز شریف کے استعفیٰ کے بغیر واپس نہ آنا، حکمرانوں میں تھوڑی بھی شرم ہوتی تو استعفیٰ دے چکے ہوتے۔
(جاری ہے)
ان کا کہنا ہے کہ ہمارا مارچ ڈپلومیٹک انکلیو کے پاس سے بھی نہیں گزریں گے، وہاں رہنے والے ہمارے مہمان ہیں، پارلیمنٹ ہاؤس کے باہر جاکر احتجاجی دھرنا دیں گے، گزشتہ روز آزادی مارچ کے شرکاء کو جس مشکل سے کنٹرول کیا میں جانتا ہوں، اگر ایک اشارہ کردوں تو کارکن اسلام آباد کو تہس نہس کردیں گے۔
عمران خان کہتے ہیں کہ نواز شریف پاکستان کے حسنی مبارک ہیں، دونوں دھاندلی سے الیکشن جیت کر آئے، نواز شریف نے انصاف کے تمام دروازے بند کردیئے، انشاء اللہ آج پاکستان کی تاریخ کا سب سے بڑا مجمع ہوگا، نواز شریف کی باتیں سننے کا وقت چلا گیا، اب انہیں ہر حال میں جانا ہوگا، ان کا وقت بہت کم رہ گیا۔
پی ٹی آئی چیئرمین کا کہنا ہے کہ نواز شریف کی زبان پر اب کبھی اعتماد نہیں کروں گا، انہوں نے ہمیشہ جھوٹ بولا اور دھوکا دیا، جائز مطالبات کرنے پر فوج کے آنے کی دھمکیاں دی جاتی ہیں، میں چاہتا ہوں کہ فوج نہ آئے نواز شریف پُرامن طور پر چلے جائیں۔
انہوں نے کہا کہ سول نافرمانی میں بجلی اور گیس کے بل نہیں بھریں گے، ٹیکس بھی نہیں دیں گے، آئی ایم ایف اور دیگر مالیاتی اداروں کو کہتا ہوں کہ نواز حکومت غیر قانونی اور ناجائز ہے اسے کوئی قرض نہ دیا جائے، ہماری حکومت بنی تو یہ قرضے واپس نہیں کریں گے، پاکستان ہر گز ڈیفالٹ نہیں ہوگا۔
عمران خان کا کہنا ہے کہ اسلام آباد میں ن لیگ نے گلو بٹوں کو سادہ کپڑوں میں تعینات کردیا، ہمارے مارچ میں خواتین اور بچے بھی شامل ہوں گے، اگر کوئی بھی کارروائی ہوئی تو نواز شریف کو نہیں چھوڑیں گے، ان کے پیچھے رائے ونڈ اور لندن بھی جانا پڑا تو جاؤں گا۔
متعلقہ عنوان :
مزید اہم خبریں
-
یو این جنرل اسمبلی: ہر سال 24 مئی کو یوم مارخور منانے کا فیصلہ
-
ملک میں بارشوں کا نیا سلسلہ داخل ہو گیا
-
اگر ملک چلانا ہے تو پھر نیب کے ادارے کو ختم کرنا پڑے گا
-
مشرقی افریقہ: بارشوں اور سیلاب کے دوران یو این امدادی کارروائیاں جاری
-
ایکسٹینشن بربادی کا راستہ ہے
-
سچ یہ ہے کہ یہ الیکشن تحریک انصاف جیت چکی
-
ملک میں رواں سال کی پہلی ہیٹ ویو کا الرٹ جاری
-
اگر میں نے فارم 47 کی بات کی تو ن لیگ منہ نہیں چھپا سکے گی
-
وزیرخزانہ کی ایف بی آرکو محصولات وصولی کا ہدف حاصل کرنے کیلئے ہر ممکن کوشش کی ہدایت
-
گندم اور چینی کا بحران پیدا کرنے کی ایک پوری اکانومی ہے
-
وزیراعظم محمد شہباز شریف سے چیئرمین پاکستان پیپلز پارٹی بلاول بھٹو زرداری کی ملاقات
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.