اوپن یونیورسٹی کے سمسٹر خزاں 2014ء میں میٹرک سے پی ایچ ڈی سطح تک داخلہ فارم جمع کرانے کی کل آخری تاریخ

اسلام آباد(اُردو پوائنٹ اخبار تازہ ترین۔14 اکتوبر۔2014ء ( "علامہ اقبال اوپن یونیورسٹی کے سمسٹر خزاں 2014ء کے ملک بھر میں جاری میٹرک سے پی ایچ ڈی تک کسی بھی پروگرام میں لیٹ فیس چارجز کے ساتھ داخلہ فارم جمع کرانے کی آج ) بدھ 15۔اکتوبر 2014ء ( آخری تاریخ ہے" یہ اعلان شعبہ داخلہ کے ڈائریکٹر  سید ضیاء الحسنین نے کیا ہے۔انہوں نے کہا ہے کہ ملک بھر سے داخلہ لینے کے خواہشمند طلبہ و طالبات آج ) 15۔

اکتوبر (کو بینک کے اوقات میں داخلہ فارم مع لیٹ فیس چارجزاور مقررہ فیس بینک الفلاح  حبیب بینک لمیٹڈ  فرسٹ ویمن بینک  اور الائیڈ بینک کی تمام اور نیشنل بینک آف پاکستان اور مسلم کمرشل بینک کی نامزد کردہ برانچوں میں جمع کراسکتے ہیں ۔ نامزدبرانچوں کے بارے میں تفصیلات پراسپکٹس میں موجود ہیں اور علاقائی دفاتر سے بھی دستیاب ہیں۔

(جاری ہے)

ڈائر یکٹر ایڈمیشن کے مطابق میٹرک پروگرام کے لیٹ فیس چارجز 100۔

روپے ہے  ایف اے  پی ٹی سی اور بی اے پرورگرامز کی لیٹ فیس 200۔روپے مقرر کی گئی ہے جبکہ پوسٹ گریجویٹ پروگرامز اور بی ایڈ کی لیٹ فیس 500۔روپے ہے۔ انہوں نے مزید کہا ہے کہ سمسٹر خزاں 2014ء میں پیش کئے گئے میٹرک سے پی ایچ ڈی تک تمام پروگرامز کے داخلہ فارم یونیورسٹی کے ملک بھر میں موجود 44۔ علاقائی دفاتر اور 122۔ رابطہ دفاتر سے حاصل کئے جاسکتے ہیں۔

ڈائریکٹر ایڈمیشن نے بتایا ہے کہ داخلوں کی تاریخ میں مزید توسیع کسی صورت نہیں کی جائے گی۔ڈائریکٹرایڈمیشن کے مطابق پی ایچ ڈی  ایم ایس /ایم فل  ایم ایس سی شماریات  ایل ایل ایم/ایم ایس شریعہ جبکہ کامن ویلتھ آف لرننگ (COL)کے اشتراک عمل سے جاری پروگرام ایم بی اے/ایم پی اے کے داخلے میرٹ کی بنیاد پر ہورہے ہیں  ان پروگرامز میں داخلے کے خواہشمند افراد اپنا داخلہ فارم پراسپیکٹس میں دیے گئے طریقہ کار کے مطابق بغیر داخلہ فیس کے براہ راست یونیورسٹی کے متعلقہ شعبہ کو ارسال کریں۔

مذکورہ پروگرامز کے داخلہ فارم یونیورسٹی کی ویب سائٹ سے ڈاؤن لوڈ بھی کئے جاسکتے ہیں۔علاوہ ازیں رواں سمسٹر خزاں 2014سے پی ایچ ڈی اور ایم ایس/ایم فل پروگرامز میں داخلے کے لئے این ٹی ایس گیٹ )جنرل/سبجیکٹ(کی شرط ختم کردی گئی ہے تاہم متعلقہ شعبہ جات میں انٹری ٹیسٹ منعقد ہوں گے۔داخلوں کے بارے میں مزید معلومات کے لئے انفارمیشن مینجمنٹ یونٹ ایڈمشن ڈپارٹمنٹ کے فون نمبر 051-9057151  ٹیچر ٹریننگ پروگرامز کے بارے میں051-9057426 سیکنڈری پروگرامز 051-9057431ہائر سیکنڈری پروگرامز 051-9057432بیچلر پروگرامز 051-9057435اور پوسٹ گریجویٹ پروگرامز کے بارے میں معلومات کے لئے 051-9057422 پر بھی رابطہ کیا جاسکتا ہے۔