واپڈا ملازمین کی تنظیمیں مافیا کی شکل اختیارکرکے عوام کیلئے عذاب بن گئی ہیں،بجلی چوری اور کرپشن انہیں تنظیموں کی پیدا کردہ ہیں،یگرکلچرل مینو فیکچرنگ ایمپیلمنٹ ایسوسی ایشن
جمعرات 20 نومبر 2014 23:24
میاں چنوں( اُردو پوائنٹ اخبار تازہ ترین۔20نومبر 2014ء) واپڈا ملازمین کی تنظیمیں مافیا کی شکل اختیارکرکے عوام کیلئے عذاب بن گئی ہیں،بجلی چوری اور کرپشن انہیں تنظیموں کی پیدا کردہ ہیں،ان پر ہمیشہ کیلئے پابندی عائدکی جائے،سردار عبدالرزاق ڈوگرتفصیلات کے مطابق،ایگرکلچرل مینو فیکچرنگ ایمپیلمنٹ ایسوسی ایشن کے مرکزی ممبر ایگزیکٹیو کونسل ،صدر میاں چنوں اور نائب صدر کسان بورڈ ضلع خانیوال سردار حاجی عبدالرزاق ڈوگر نے ایک پر ہمجوم پریس کانفرنس سے خطاب کرتے ہوئے کہا کہ محکمہ واپڈا کے ملازمین کی تنظیمیں واپڈا میں کرپشن اور بجلی چوری میں پوری طرح ملوث ہیں،جبکہ واپڈا ملازمین کو مفت بجلی کی فراہمی بھی پا کستانی قوم سے امتیازی رویہ ہے کیونکہ عام لوگوں و دیگر سرکاری محکموں کے ملازمین کو کوئی مراعات اورریلیف نہیں ملتا،واپڈا ملازمین کے خوف سے افسران ان کے ہاتھوں کٹھ پتلی بنے ہوئے ہیں،واپڈا کی کرپشن اور بجلی چوری کاسارا بوجھ عوام پر ڈال دیا جاتا ہے،واپڈا ملازمین سمال انڈسٹریز اور بڑے بنگلوں، کوٹھیوں میں بجلی چوری میں ملوث ہونے کے ساتھ ساتھ انہوں اپنے گھروں کو منی گرڈ اسٹیشن بنایا ہوا ہے،جس کی وجہ سے عام آدمی پر آئے روز بجلی یونٹوں کی قیمتوں میں اضافے کے بمب گراکر انہیں زندہ درگور کرنے کی کوشش ہوتی ہیں،انہوں نے کہا کہ صنعتی ،ٹریڈ اور عوامی فلاح کی تنظیمیوں کو حکومت اور کوئی محکمہ اہمیت نہیں دیتا،جسکی بنیادی وجہ یہی ہے کہ ہر محکمہ میں کرپٹ ،رشوت خور اور ہوس زر میں مبتلا ملازمین نے اپنے دفاع کیلئے تنظیمیں بنا رکھی ہیں جو سراسر مفاد عامہ اور ملکی مفادات کیخلاف ہے،حالانکہ تنظیمیں اصلاحا ت اور مفاد عامہ کیلئے بنائی جاتی ہیں مگر سرکاری محکموں میں گنگا اُلٹی بہتی ہے، اس موقع پرپاکستان پیسٹی سائیڈ ایسوسی ایشن کے مرکزی صدر میاں مقبول جاوید ،ایگرکلچرل مینو فیکچرنگ ایمپیلمنٹ ایسوسی ایشن کے مرکزی ریجنل چیئرمین حاجی محمد رفیق مغل ،جنرل سیکرٹری ر انجمن آڑھتیاں غلہ منڈی میاں چنوں چوہدری عبدالرؤف اور کریانہ ایسوسی ایشن کے ملک محمد اسلم نے کہاکہ کسان،تاجر ،صنعت کار اور عام گھریلوں صارفین ،واپڈا ملازمین کے ہاتھوں اوبلنگ،رشوت اور عدم شنوائی کاشکارہیں،انہوں نے مزید کہا کہ واپڈا کے لگائے میٹر 35 فیصد ایڈوانس چلنے کے علاوہ ، اچانک وولٹیج بڑھنے سے بند میٹروں میں یونٹ بڑھ جاتے ہیں، اگر واپڈا ملازمین تنظیمیں اورانہیں دی جانے والی مفت بجلی ختم کردی جائے ،تو 90فیصد بجلی چوری اور کرپشن کا خاتمہ ممکن ہے،آخر میں متذکرہ عہدیداروں نے حکومت کو متنبہ کیا کہ اگر واپڈ تنظیموں پر پابندی اور مفت بجلی کی فراہمی ختم نہ کی گئی تو ہم سڑکوں پر نکل کر احتجاج کریں گے،
مزید اہم خبریں
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
-
پاکستان اور سعودی عرب کے درمیان اعتماد کا رشتہ ہے، حکومت بیرونی سرمایہ کاروں کو سہولت فراہم کرے گی. جام کمال خان
-
سعودی کمپنیوں کے نمائندے پاکستان میں توانائی ،ریفائنری ، زراعت، انفارمیشن ٹیکنالوجی اور دیگر شعبوں میں سرمایہ کاری کے لئے بات چیت کررہے ہیں.ڈاکٹر مصدق ملک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.