جی سی او 16 ڈیو پنوعاقل میجر جنرل محمد عارف وڑائچ کی طرف سے انسٹیٹیوٹ آف ٹیکنکل ایجوکیشن میں چوتھا اور پانچواں 6 ماہ کا تربیتی کورس مکمل کرنے والے 247 طلباء وطالبات میں اسناد وانعامات اور ٹول کٹس تقسیم

پنوعاقل(اُردو پوائنٹ اخبار تازہ ترین۔11دسمبر 2014ء)جی سی او 16 ڈیو پنوعاقل میجر جنرل محمد عارف وڑائچ نے چھاونی کے ادارہ پنوعاقل انسٹیٹیوٹ آف ٹیکنکل ایجوکیشن میں چوتھا اور پانچواں 6 ماہ کا تربیتی کورس مکمل کرنے والے 247 طلباء وطالبات میں اسناد وانعامات اور ٹول کٹس تقسیم کیے، اس موقع پر منعقدہ تقریب سے خطاب کرتے ہوئے جی او سی نے کہا کہ پاک فوج کے جوان نہ فقط ملک کی سرحدوں کی حفاظت کرنے کے لیے اپنا کردار ادا کررہے ہیں بلکہ ملک کی تعمیر اور ترقی میں حصہ لینے کے ساتھ ساتھ ادھر سندھی بھائیوں اورعلاقے کے لوگوں کو دکھی حالات میں کبھی تنہا نہ چھوڑا اورمختلف مراحل میں امدادی سرگرمیوں میں بڑھ چڑھ حصہ لیا، اس ادارے سے جن طلباء اور طالبات نے ہنری اور فنی کورس مکمل کیا ہے آج وہ خودکفالت کی منزل کی جانب جارہے ہیں ہماری خواہش ہے کہ بالائے سندھ کے مزید بے روزگاروں نوجوانوں کو اس ادارے کے ذریعے ہنری تعلیم سے آراستہ کریں کیونکہ ہنر مند افراد سماج میں کبھی بھوکے نہیں مرتے ہنری تعلیم کی سند لیکر جانے والے نوجوانوں کو سرکاری اور غیر سرکاری اداروں اور صنعتوں نے روزگار کے سنہری مواقع ملے گے اور اس ادارے میں ملازمت نہ کرنے کی صورت میں وہ اپنی جانب سے چھوٹی صنعت یا کاروباری مراکز قائم کرکے اسے خود چلانے کے قابل بن چکے ہیں، انہوں نے کہا کہ کورس مکمل کرنے والے طلباء اور وطالبات سے مخاطب ہوتے ہوئے کہا کہ مجھے امید ہے کہ آپ کے لیے فوج سے جڑا ہوا رابطہ ہمیشہ کے لیے مشعل راہ رہیگا اور فوج کی بنیادی تعلیم ڈسپیلن ہے جس تعلیم اورتربیت کے تحت آپ ڈسپیلین کو فوج کی شخصی زندگی میں لاگو کرینگے کیونکہ دیگر اداروں اور سماج میں ڈسپیلن کی بہت کمی پائی جاتی ہے ہر شخص ڈسپیلن لاگو کرے تو ہم منظم قوم بن سکتے ہیں اس سے قبل ادارے کے کوآرڈینیٹر لیفٹینٹ کرنل فہام بن سلطان نے خطبہ استقبالیہ دیتے ہوئے بتایا کہ اس ادارے میں آٹو مکینک، آٹو الیکٹریشن، بلڈنگ، الیکٹریشن ، اے سی اینڈ ریفریجریشن ، بیوٹیشن ،ڈریس میکنگ اینڈ ڈزائنگ کی تربیت دی جارہی ہے اور اس تربیت کے تحت بیرونی ممالک میں بھی نوجوان کام کررہے ہیں، تقریب کے اختتام پر جی او سی محمد عارف وڑائچ نے ڈیولاگ کمانڈر عامر وزیر انسٹییٹوٹ کے ایڈمن میجر خادم برڑو، اسٹنٹ کمشنر پنوعاقل علی رضا انصاری، حاجی الٰہی بخش شیخ، کاشف گلزار شیخ، حاجی محمد پخنل ودیگر مہمانوں کے ہمراہ طلباء وطالبات کی جانب سے تیار کردہ فن پاروں کی نمائش کا معائنہ کیا اور ان فن پاروں اور ٹیکنکل چیزوں کے متعلق معلومات بھی حاصل کی۔