صوبائی حکومت زراعت کی ترقی اور کسانوں کی خوشحالی کیلئے موثر اقدامات کررہی ہے،سردار اکرام اللہ خان گنڈا پور

منگل 23 دسمبر 2014 23:09

پشاور(اُردو پوائنٹ تازہ ترین اخبار۔ 23 دسمبر 2014ء)خیبر پختونخوا کے وزیر زراعت سرداراکرام اللہ خان گنڈاپور نے کہا ہے کہ موجودہ صوبائی حکومت زراعت کی ترقی اور کسانوں کی خوشحالی کے لئے موثر اقدامات کررہی ہے یہ بات انہوں نے ایک بیان میں کہی انہوں نے کہا کہ چیئرمین تحریک انصاف عمران خان اور وزیر اعلی ٰخیبر پختونخوا پرویزخٹک کی ہدایات کی روشنی میں محکمہ زراعت کو جدید طرزپر استوار کیا جارہا ہے گومل زام ڈیم کمانڈایریا واٹر منیجمنٹ پراجیکٹ ڈی آئی خان ، حکومت کا بڑا کارنامہ ہے جس پر تقریباً پونے تین ارب روپے لاگت آئے گی اور اس سے 163000 ایکٹر اراضی قابل کاشت بنائی جائے گی جس سے صوبہ گندم اوردوسری اجناس میں خودکفالت کی طرف رواں دواں ہو جائیگا ۔

(جاری ہے)

جبکہ شمسی توانائی کے پمپ بھی لگائے جارہے ہیں جس کی بدولت بجلی کی لوڈشیڈنگ کے باوجود زرعی ٹیوب ویلوں کے ذریعے زمین کوپانی کی فراہمی کو یقینی بنایاجارہا ہے امریکہ سے جدید طرز اور انٹرنیشنل سٹینڈرڈ کے بلڈوزر زرعی زمینوں کی ہمواری اور ان کو قابل کاشت بنانے کے لئے منگوائے گئے ہیں محکمہ زرعی تحقیق زراعت خیبر پختونخوا نے کئی سال ریسرچ کرکے گندم کی جدید اقسام متعارف کرائی ہیں جس سے فی ایکڑپیداوارمیں کافی بہتری آئی ہے اور اب صوبہ خیبر پختونخوا میں فی ایکڑ گندم کی پیداوار 50 ٹن تک ہے کسانوں کو جدید طرز کے بیج بھی فراہم کئے جارہے ہیں ۔

Facebook Twitter Google + Share on Whatsapp

صوبائی حکومت زراعت کی ترقی اور کسانوں کی خوشحالی کیلئے موثر اقدامات کررہی ہے،سردار اکرام اللہ خان گنڈا پور

مزید تجارتی خبریں