کلثوم سیف اللہ ٹینس ٹورنامنٹ (کل) سے اسلام آباد میں شروع ہوگا،

چمپئن شپ کیلئے انٹری فیس ختم کر دی گئی ہے، کھلاڑیوں کو ٹی اے کے علاوہ600 روپے ڈیلی الاؤنس دیا جائیگا،عمر ایاز خلیل، چمپئن شپ کی اختتامی تقریب 10 جنوری کو ہوگی کامیابی حاصل کرنیوالے کھلاڑیوں میں انعامات تقسیم کئے جائینگے

جمعرات جنوری 12:04

کلثوم سیف اللہ ٹینس ٹورنامنٹ (کل) سے اسلام آباد میں شروع ہوگا،

اسلام آباد(اُردو پوائنٹ اخبارتاز ترین ۔ 1جنوری 2015ء) پاکستان ٹینس فیڈریشن کے زیراہتمام کلثوم سیف اللہ ٹینس ٹورنامنٹ (کل) جمعہ دو جنوری سے دلاور عباس پی ٹی ایف ٹینس کمپلیکس اسلام آباد میں شروع ہوگا۔ پاکستان ٹینس فیڈریشن کے ترجمان و سیکرٹری خیبرپختونخواٹینس ایسوسی ایشن عمر ایا ز خلیل نے کہا کہ دو جنوری 2015 سے اسلام آباد میں نیشنل بیگم کلثوم سیف الله ٹینس چمپئن شپ کا انعقاد کیاجائیگا جس میں تمام ڈیپارٹمنٹ اورصوبوں کے ٹیمیں شرکت کرینگی ۔

چمپئن شپ میں 7ایونٹ رکھے گئے ہیں جن میں انڈر12 ، انڈر14 ، انڈر18 ، مینز سنگلز ، مینز ڈبلز ، ویٹرنز ڈبل 45 سے اباؤ ، سینئر ڈبلز 50 سال سے زائد شامل ہیں انہوں نے کہا کہ ٹینس کے فروغ کیلئے پاکستان ٹینس فیڈریشن کے صدر سلیم سیف الله اور سیکرٹری جنرل خالد رحمانی نے تمام چمپئن شپ کیلئے انٹر فیس ختم کردی جبکہ کھلاڑیوں کو ٹی اے کے علاوہ ڈیلی الاؤنس چھ سو روپے دیا جائیگا۔ پاکستان ٹینس فیڈریشن کے سیکرٹری جنرل خالد رحمانی نے بتایا کہ ٹورنامنٹ کے پری کوالیفائنگ راؤنڈ 2 جنوری کو، افتتاحی تقریب 3 جنوری کو، مین راؤنڈ 4 جنوری سے شروع ہونگے جبکہ چمپئن شپ کی اختتامی تقریب 10 جنوری کو ہوگی جس میں کامیابی حاصل کرنیوالے کھلاڑیوں میں انعامات تقسیم کئے جائینگے۔

متعلقہ عنوان :

Your Thoughts and Comments