پوپ فرانسس کی جانب سے گستاخانہ خاکوں کی شدید الفاظ میں مذمت

جمعرات 15 جنوری 2015 21:40

منیلا(اُردو پوائنٹ اخبارتازہ ترین۔15جنوری۔2015ء) مسیحوں کے مذہبی پیشوا پوپ ﻓﺮﺍﻧﺴﺲ نے گستاخانہ خاکوں کی پرزور الفاظ میں مذمت کرتے ہوئے کہا ہے کہ آزادی اظہار کی بھی کچھ حدود متعین ہونا چاہیں۔ آزادی اظہار کا یہ مطلب نہیں کہ کسی کے مذہب کا مذاق اڑایا جائے۔سری لنکا سے فلپائن اپنے ہوائی سفر کے دوران اہم گفتگو کرتے ہوئے پوپ فرانسس کا کہنا تھا کہ آزادی اظہار کسی بھی انسان کا بنیادی حق ہے لیکن اس کی بھی حدود ہیں۔

ہر مذہب کا اپنا وقار ہوتا ہے۔ کسی کو بھی مذہب کا مذاق اڑانے کی اجازت نہیں دینی چاہیے۔ فرانسیسی اخبار چارلی ہیبڈو میں گستاخانہ خاکوں کی اشاعت کے ردعمل میں 12 افراد کی ہلاکت کے بارے میں ان کا کہنا تھا کہ '' کسی بھی عقیدے کا مذاق نہیں اڑانا چاہیے اور نہ ہی توہین کرنی چاہیے جس سے لوگوں میں اشتعال پیدا ہو''۔

(جاری ہے)

پوپ فرانسس نے اشتعال انگیزی سے خبردار کرتے ہوئے کہا کہ آزادی اظہار کا حق ذمہ داری کے ساتھ عام بھلائی کیلئے ہی ہونا چاہیے۔

واضع رہے کہ اس سے قبل اپنے ایک بیان میں پوپ فرانسس نے دنیا بھر کے مسلمان رہنمائوں پر زور دیا تھا کہ وہ اسلام کے نام پر ہونے والی ’دہشتگردی‘ کی مذمت کریں۔ انھوں نے کہا کہ عالمی سطح پر تشدد کی مذمت سے اکثر مسلمانوں کے بارے اس مخصوص تصور کو بدلا جا سکے گا۔ پوپ فرانسس نے ان لوگوں کی بھی مذمت کی تھی جو تمام مسلمانوں کو دہشتگرد کہتے ہیں

Facebook Twitter Google + Share on Whatsapp

پوپ فرانسس کی جانب سے گستاخانہ خاکوں کی شدید الفاظ میں مذمت

متعلقہ عنوان :

مزید بین الاقوامی خبریں