سعود ی عرب،قتل کے جرم میں دو افراد کاسرقلم

پیر 16 فروری 2015 17:46

ریاض(اُردو پوائنٹ تازہ ترین اخبار۔ 16فروی 2015ء) سعودی عرب کے دارالحکومت ریاض میں دو سعودی باشندوں کو قتل کے علیحدہ علیحدہ کیسوں میں تلوار سے ان کا سر قلم کردیاگیا،جس کے بعد سلطنت میں رواں سال سزائے موت دئے جانے والے افراد کی تعداد 31تک پہنچ گئی ہے۔

(جاری ہے)

سرکاری ایس پی اے نیوز ایجنسی نے وزارت داخلہ کے ایک بیان کا حوالہ دیتے ہوئے کہا کہ نواف الشیماری اور سعد الحزیمی دونوں کو رشتہ داروں کو موت کے گھاٹ اتارنے کا مجرم ٹھہرایا گیا تھا۔

صحرائی مملکت میں انسانی حقوق سے متعلق گروپوں کے دباؤ کے باوجود سزائے موت کا سلسلہ جاری ہے۔منشیات سمگلنگ،ریپ،قتل،ارتداد اور مسلح ڈکیتی ایسے جرائم ہیں جن کی ملک کے سخت گیر شریعہ اسلامی قانون کے تحت سزا موت ہے۔گزشتہ سال خلیجی ملک میں 87افراد کو سزائے موت دی گئی جو کہ 2013ء میں 78کے مقابلے میں زائد ہے۔

Facebook Twitter Google + Share on Whatsapp

سعود ی عرب،قتل کے جرم میں دو افراد کاسرقلم

متعلقہ عنوان :

مزید بین الاقوامی خبریں