ملک میں پرانے بلدیاتی نظام کے تحت انتخابات ہو رہے ہیں جبکہ کے پی کے میں جس نظام کے تحت بلدیاتی الیکشن کرایا جارہاہے اس کی مثال کئی بھی نہیں ملے گی، مہذب دنیا کی طرح عوامی حکومتیں تشکیل دیں گے
ہفتہ 11 اپریل 2015 17:35
بٹ خیلہ (آ ئی این پی ) وزیر اعلیٰ کے مشیر شکیل خان ایڈوکیٹ نے کہا ہے کہ ملک کے تینوں صوبوں میں ضیاء الحق دور کے بلدیاتی نظام کے تحت انتخابات ہورہی ہیں جبکہ خیبر پختون خوا میں جس نظام کے تحت بلدیاتی الیکشن کرایا جارہاہے اس کی مثال کئی بھی نہیں ملے گی مہذب دنیا کی طرح عوامی حکومتیں تشکیل دیں گے عوام کو اراکین اسمبلی کی منت سماجت سے نجات مل جائے گی ان خیالات کااظہار انہوں نے پیران مالاکنڈ میں جماعت اسلامی اور پیپلزپارٹی سے درجنوں افراد مستعفی ہوکر پاکستان تحریک انصاف میں شمولیت اختیار کرنے کی تقریب سے خطاب کرتے ہوئے کیا اس موقع پرنور زمین شاہ المعروف شاہ صاحب نے جماعت اسلامی سے اپنے چالیس سالہ رفاقت کا خاتمہ کرتے ہوئے پی ٹی آئی میں باقاعدہ شمولیت کا اعلان کیا اور کہا کہ انہوں نے پی ٹی آئی کی جانب سے تعلیم وصحت اور دیگر شعبوں میں انقلابی تبدیلی لانے سے متاثر ہوکر اپنے خاندان اور ساتھیوں سمیت پی ٹی آئی میں شمولیت اختیار کی جبکہ پیپلزپارٹی سے رحیم زادہ ،اسلام زادہ ،اقبال شاہ اور حاجی ہارون خان نے اپنے خاندانوں سمیت پی ٹی آئی میں شامل ہوگئے قبل ازیں تقریب سے ممبر قومی اسمبلی جنید اکبر خان،تحصیل جنرل سیکرٹری مفتی کفایت اللہ، پی ٹی آئی کے دیگر رہنماؤں حاجی سبحانی گل ،بادشاہ رحمن ،زاہد خان اورمحمد زمین بھی خطاب کیا وزیر اعلیٰ کے مشیر شکیل خان نے کہا کہ ہمیں لوگوں نے گلی کوچوں کی تعمیر ، واٹر سپلائی اسکیموں اوردیگر ترقیاتی کاموں کے لئے ووٹ نہیں دیا ہے بلکہ سسٹم کو تبدیل کرنے اور نیا نظام متعارف کرانے کی بنیاد پر ووٹ پڑا ہے جس میں الحمد اللہ اسی فیصد کامیابی ملی ہے انہوں نے کہاکہ اداروں میں اصلاحات پی ٹی آئی کابنیادی ایجنڈا ہے اتحادی جماعتوں کو وزارتیں اس شرط پر دی تھی کہ ایجنڈا پی ٹی آئی کا ہوگا جس کے تحت تعلیم اور صحت کے شعبے میں بڑی تبدیلیاں لائی گئی ہے اے ڈی پی بجٹ کا27 فیصد حصہ صرف تعلیم کے لئے مختص کیا ہے جبکہ پندرہ سو ڈاکٹر اور پندرہ سو ٹیکنیشن کی بھرتی کے علاوہ ہسپتالوں کی خودمختاری پر بھی کام شروع کیا گیا ہے کسی بھی محکمہ سے تفصیلات مانگنے اور جائز کام نہ کرانے کے متعلق رائٹ ٹو انفارمیشن اور خدمات تک رسائی کا قانون پاس کیا گیا ہے انہوں نے کہا کہ ترقیاتی کاموں میں اسی فیصد چوری کا راستہ روک دیا ہے پہلے ترقیاتی فنڈز فروخت ہوتے تھے لیکن اب ٹھیکیداروں اور سرکاری آفیسران کی کمیشن خوری کا مکمل سدباب کیا گیا ہے انہوں نے کہاکہ نیب اور ریب نے ہمیشہ ڈاکوؤں اور چوروں کو تحفظ دیا ہے لیکن پی ٹی آئی نے جو احتساب عدالتیں قائم کی ہے اس سے قوم کا سرمایہ محفوظ اور چور ڈاکوؤں کا مکمل خاتمہ ہوجائے گا انہوں نے کہاکہ سہ فریقی اتحاد کا مقصدیہ ہے کہ پی ٹی آئی کا ایجنڈا ناکام بنایا جائے مگر ہمارا بھی یہی عزم ہے کہ ہم اپنے ایجنڈے کو بہر صورت کامیاب بنائیں گے انہوں نے کہاکہ عمران خان کاکہنا ہے کہ پی ٹی آئی کو کوئی بھی شکست نہیں دے سکتا مگر اس شرط پر کہ اس کے اندر کارکنوں کے اختلافات نہ ہواس لئے کارکن اور عہدیدار آپس کے اختلافات ختم کرکے بلدیاتی الیکشن میں بھر پور کامیابی کے لئے کوششیں شروع کریں اس موقع پر انہوں نے یونین کونسل ملاکنڈ خاص میں مختلف منصوبوں کے لئے کروڑو ں روپے کا اعلان بھی کیا ۔
متعلقہ عنوان :
مزید قومی خبریں
-
نوازشریف کسان کارڈ کے ذریعے کاشتکاروں کو 300 ارب روپے کے بلا سود زرعی قرضوں کی سہولت فراہم کی جائے گی ، سیکرٹری زراعت پنجاب
-
پنسار کی پھکی اور دودھ سے جاںبحق خاتون چاروں بچیوں کو سپردخاک کر دیا گیا
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر
-
عازمین حج کی حجاز مقدس روانگی کے سلسلے میں اسلام آباد انٹرنیشنل ایئرپورٹ پر روڈ ٹو مکہ منصوبے کے تحت تیاریاں مکمل
-
این اے 148ضمنی الیکشن،مسلم لیگ (ن) کا پیپلز پارٹی کے امیدوار کی حمایت کا اعلان
-
آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات
-
وزیراعظم کو گندم درآمد تحقیقات کی ابتدائی تفصیلات سے آگاہ کر دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.