افغانستان کرکٹ ٹیم کے کپتان محمد نبی اپنے عہدے سے مستعفی ہوگئے
پیر 20 اپریل 2015 11:28
کابل (اردو پوائنٹ تازہ ترین اخبار20اپریل۔2015ء) افغانستان کی قومی کرکٹ ٹیم کے کپتان محمد نبی اپنے عہدے سے مستعفی ہوگئے ہیں۔ افغان کرکٹ بورڈ کے مطابق محمد نبی آج پریس کانفرنس میں قیادت سے الگ ہونے کا باضابطہ طور پر اعلان کریں گے ۔ محمد نبی نے کرکٹ بورڈ کو ٹیم کی حالیہ کارکردگی اور اپنی ناقص فارم پر بذریعہ خط اپنے فیصلے سے آگاہ کیا ۔ ان کا کہنا تھا کہ وہ کپتانی سے مستعفی ہوکر بطور کھلاڑی ملک وقوم کیلئے کھیلنا چاہتے ہیں، وہ نئے کپتان کے ساتھ مکمل نیک نیتی سے تعاون اور اپناتجر بے منتقل کرنے کیلئے تیار ہیں اور افغان کرکٹ بورڈ ، ساتھیوں اور شائقین کی جانب سے بھرپور حمایت پر ان کے شکر گزار ہیں۔
انہوں نے ٹوئٹر پر اپنے مستعفی ہونے کی اطلاع دی اور افغانستان کرکٹ بورڈ کو ارسال کردہ خط جاری کیا۔(جاری ہے)
ان کا کہنا تھا کہ وہ دو سال سے زائد عرصے تک ٹیم کے کپتان رہے اور اس دوران اپنی ٹیم اور ملک کو فتوحات دلانے کیلئے بہترین صلاحیتوں کو بروئے کا ر لائے ۔ انہوں نے کہا کہ انہیں اس بات پر کافی زیادہ فخر ہے کہ افغان ٹیم نے ان کی قیادت میں ورلڈ کپ میں حصہ لیا۔
ٹیم کی حالیہ کارکردگی اور خاص طور پر خود کے آؤٹ آف فارم ہونے کے باعث وہ اپنے آپ کو کپتانی جاری رکھنے کا اہل نہیں سمجھتے ہیں لہٰذا کرکٹ بورڈ سے درخواست کی گئی کہ وہ ان کا استعفیٰ منظور کر لیں۔ واضح رہے کہ انہیں مارچ دوہزار تیرہ میں نوروز مینگل کی برطرفی کے بعد کپتان مقرر کیاگیا تھا۔ ان کی قیادت میں اکتوبر دو ہزار تیرہ میں افغانستان نے ورلڈ کرکٹ لیگ چیمپئن شپ میں دوسری پوزیشن حاصل کی تھی۔
My resignation as a captain of Afghanistan's national cricket team pic.twitter.com/EikW62nWPk
— Mohammad Nabi (@MohammadNabi007) April 19, 2015
مزید کھیلوں کی خبریں
-
پاکستان کرکٹ بورڈ نے پاکستان ٹیم کےلیےغیرملکی کوچز کا اعلان کر دیا
-
نیوزی لینڈ بورڈ نے اسکواڈ کا اعلان دو ننھے بچوں سے کروایا
-
پی سی بی جلد ہی پاکستان ٹی ٹونٹی ورلڈ کپ سکواڈ کا اعلان کرے گا
-
پرائم منسٹر نیشنل ٹیلنٹ ہنٹ ٹیبل ٹینس نیشنل لیگ شروع
-
پاکستان سپر لیگ 9 کی فاتح ٹیم اسلام آباد یونائیٹڈ اگلے ماہ پی ایس ایل جیت کا جشن منائے گی
-
ایل پی پی ترین کرکٹ اکیڈمی ، کنیئرڈ کالج لاہورکی ویمن کرکٹ ٹیموں کے درمیان نمائشی میچ
-
ٹی ٹوئنٹی ورلڈ کپ، جنوبی افریقا نے کٹ کی رونمائی کر دی
-
اشہب عرفان نے روچسٹر پروم اسکواش ٹورنامنٹ جیتنے کا اعزاز حاصل کرلیا
-
بھارتی فین کرسٹیانو رونالڈو سے آٹو گراف لینے 1200 کلومیٹر پیدل چل کر ریاض پہنچا
-
قومی کھیل ہاکی حکومت کی ترجیحات میں شامل ہے،حنیف عباسی
-
پاکستانی کرکٹ ٹیم کو کامیابی سے ہمکنار کرنا چاہتے ہیں، جیسن گلیسپی
-
انڈین پریمیئر لیگ میں بولرز پیسے لے کر تباہ ہورہے ہیں : وسیم اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.