موجودہ حالات میں چین کے صدر کا دورہ اور معاہدے اہم ہیں‘چین نے ایماندار سیاسی قیادت کی وجہ سے بے مثال ترقی کی‘توانائی کے شارٹ ٹرم منصوبے مقررہ وقت پر مکمل ہو گئے تو قومی معیشت ’’آئی سی یو‘‘ سے نکل آئے گی‘منصوبوں کی بروقت تکمیل اور ٹرانسپرنسی کے لیے بااختیار کمیشن تشکیل دیا جائے
پاکستان عوامی تحریک کے سربراہ ڈاکٹر طاہر القادری کاایگزیکٹو کونسل کے اجلاس سے ٹیلیفونک خطاب
منگل 21 اپریل 2015 21:12
لاہور(اُردو پوائنٹ اخبار تازہ ترین۔ 21اپریل۔2015ء) پاکستان عوامی تحریک کے سربراہ ڈاکٹر طاہر القادری نے کہا ہے کہ چین پاکستان کا قابل اعتماد دوست اور مخلص ہمسایہ ہے‘ موجودہ حالات میں چین کے صدر کا دورہ انتہائی اہمیت کا حامل ہے‘ چین کی حیرت انگیز معاشی ترقی پوری دنیا کیلئے رول ماڈل ہے‘ چین نے یہ مقام اپنی سخت جان محب وطن عوام اور ایماندار سیاسی قیادت کے ذریعے حاصل کیا‘ بلاشبہ پاک چین د وستی ہمالہ سے بلند اور شہد سے زیادہ میٹھی ہے اور اس دوستی کی جڑیں دونوں طرف کے عوام کے اندر ہیں۔
وہ منگل کو پاکستان عوامی تحریک کی ایگزیکٹو کونسل کے اجلاس کے دوران ٹیلیفون پرخطاب کررہے تھے ۔ انہوں نے کہا کہ یہ بات خوش آئند ہے کہ چین دہشتگردی کے خاتمہ اور خطہ میں قیام امن کیلئے بڑی واضح اور مثبت سوچ رکھتا ہے۔(جاری ہے)
انہوں نے کہا کہ توانائی کے شارٹ ٹرم منصوبے اگر اعلان کردہ مدت کے اندر پایہ تکمیل کو پہنچ گئے تو یہ معاشی انقلاب کا پیش خیمہ اور قومی معیشت کو ’’آئی سی یو‘‘ سے باہر لانے میں انتہائی مفید ثابت ہونگے اور توانائی کے ان منصوبوں کی تکمیل سے گھریلو صارفین کو لوڈشیڈنگ کے عذاب سے نجات اور سستی بجلی ملنے کے ساتھ ساتھ صنعت کا رکا ہوا پہیہ چلے گااور لاکھوں بیروزگار مزدوروں کو گھر کی دیلیز کے قریب ترین روزگار ملے گا۔
ڈاکٹر طاہر القادری نے کہا کہ جہاں تک چین کے ساتھ ہونے والے معاہدہ کا تعلق ہے تو ان کی افادیت ہر قسم کے شک و شبہ سے بالا ہے تاہم ڈر ہے پاکستان کی نااہل قیادت اور کرپٹ سرکاری مشینری کی روایتی بدنیتی اور تساہل کی وجہ سے ملک اور عوام ان معاہدوں کی افادیت سے محروم نہ رہ جائیں۔ انہوں نے کہا کہ چینی صدر کے دورہ کے موقع پر اعلان کیے گئے 50فیصد معاہدے ابھی ایم او یوز کی شکل میں ہیں انہیں عمل کے قالب میں نہ ڈھالا گیا تو یہ ملک و قوم کی بہت بڑی بدقسمتی ہو گی ۔انہوں نے کہا کہ چینی صدر نے اپنی قومی زبان میں پارلیمنٹ سے خطاب کر کے پاکستانی قیادت کو یہ پیغا م دیا ہے کہ قومیں اپنی زبان اور کلچر سے وابستہ ہو کر ترقی کرتی ہیں۔انہوں نے کہا کہ پاکستان کرپشن کے خاتمہ کے چینی تجربات سے بھی استفادہ کرے یہ بات قابل تقلید ہے کہ چین کے کسی لیڈر یا اس کی اولاد کے بیرون ملک خفیہ اکاؤنٹس اور جائیدادیں نہیں۔ ڈاکٹر طاہر القادری نے تجویز دی کہ چینی صدر کے حالیہ دورہ پاکستان کے موقع پر طے پانے والے معاہدوں کی بروقت تکمیل اور ٹرانسپرنسی کو یقینی بنانے کیلئے اہل ایمانداراور ٹیکنیکل افراد پر مشتمل خصوصی کمیشن تشکیل دیا جائے جس میں فوج کے نمائندوں کو بھی شامل کیا جائے۔متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.