گندم کی خریداری میں کسانوں کے حقوق کا تحفظ کیا جائے گا‘ڈاکٹر فرخ جاوید
40لاکھ ٹن گندم1300روپے فی من کے حساب سے خریدی جائے گی‘صوبائی وزیر زراعت گندم خریداری کے تمام مراحل کی بھرپور مانیٹرنگ کی جائے گی اور مڈل مین کے رول کو ختم کیا جائے گا
اتوار 26 اپریل 2015 16:57
لاہور(اُردو پوائنٹ اخبار تازہ ترین۔26اپریل۔2015ء )صوبائی وزیر زراعت ڈاکٹر فرخ جاوید نے کہا ہے کہ گندم کی خریداری میں کسانوں کے حقوق کا تحفظ کیا جائے گا، حکومت پنجاب نے رواں سال 40لاکھ ٹن گندم خریدنے کا ہدف مقرر کیا ہے اور گندم کی قیمت 1300روپے فی من مقرر کی گئی ہے۔انہوں نے محکمہ زراعت کے عہدیداران و عملے کو ہدایت کی ہے کہ وہ گندم کے خریداری مراکزکا فرداً فرداً دورہ کریں اور کسانوں کے حقوق کا ہرحال میں تحفظ کیاجائے۔
ڈاکٹر فرخ جاوید نے محکمہ زراعت کے عملے کو ہدایت کی ہے کہ گندم خریداری کے تمام مراحل کی بھرپور مانیٹرنگ کی جائے اور مڈل مین کے رول کو ختم کیا جائے۔ انہوں نے کہاکہ گندم خریداری مہم میں کسی قسم کی غفلت برداشت نہیں کی جائے گی اور غفلت کے ذمہ داران کو سخت نتائج کا سامنا کرنا پڑے گا۔(جاری ہے)
ڈاکٹر فرخ جاوید نے ہدایت کی کہ کسی بھی قسم کی شکایت کی صورت میں فوراً وزیرزراعت ، وزیر خوراک، سیکرٹری خوراک یا سیکرٹری زراعت سے رابطہ کیاجائے تاکہ کسانوں کی شکایات کا ازالہ کیاجاسکے۔
وزیرزراعت نے کہاکہ حکومت پہلے چھوٹے کاشتکاروں سے ان کا غلہ خریدے گی تاکہ انہیں ان کی محنت کا اجر مل سکے۔انہوں نے کہاکہ خداتعالیٰ کا بے پایاں کرم ہے اور کسانوں کی دن رات کی محنت کا ثمر ہے کہ اس سال بھی گندم کی ریکارڈ پیداوار ہوئی ہے۔انہوں نے کہا کہ حکومت پنجاب نے کسانوں کی سہولت کیلئے پنجاب بھر میں گندم کی خریداری کے 376مراکز قائم کئے ہیں۔ محکمہ زراعت کا عملہ ان مراکز پر گندم کی خریداری کے عمل کو شفاف بنانے کیلئے ہرممکن اقدامات کر رہا ہے۔انہوں نے کہاکہ وزیراعلیٰ پنجاب نے چھوٹے کاشتکاروں کیلئے 10ہزار ٹریکٹرز رعایتی نرخوں پر دینے کا اعلان کیا ہے جو نہایت خوش آئند ہے۔انہوں نے کہاکہ حکومت پنجاب نئے مالی سال میں 12.5ایکڑ تک کے چھوٹے کاشتکاروں کو ٹریکٹر فراہم کرے گی جنہیں فی ٹریکٹر 2لاکھ روپے کی سبسڈی دی جائے گی۔انہوں نے کہاکہ یہ اقدام حکومت پنجاب کی کسان دوست پالیسیوں کا کھلا ثبوت ہے۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.