کنگ آف پاپ مائیکل جیکسن کو مداحوں سے بچھڑے 6 برس بیت گئے

جمعرات 25 جون 2015 12:02

نیویارک(اُردو پوائنٹ اخبار تازہ ترین۔ 25 جون۔2015ء)پاپ موسیقی کے شہنشاہ مائیکل جیکسن کے مداح25 جون کو ان کی چھٹی برسی منا رہے ہیں۔ اپنے منفردانداز سے پاپ موسیقی پر اَنمٹ نقوش چھوڑنے والے مائیکل جیکسن 1958ء میں امریکی شہر گیری میں پیداہوئے اور پانچ سال کی عمر میں ہی میوزک کی دنیا میں قدم رکھ دیا۔ انہوں نے اپنے فنی کیریئرکا ا?غاز 1964ء میں اپنے بھائیوں کے پاپ گروپ جیکسن فائیو سے کیاجن کا پہلا میوزک البم “آئی وانٹ یو بیک” تھا جس نے دنیا بھر میں ایسی دھوم مچائی کہ سب کو اپنا دیوانہ بنا لیا۔

مائیکل جیکسن نے اپنے پہلے سولو البم” آف دی وال” کے ذریعے پاپ موسیقی کی دنیا میں الگ پہچان بنائی۔1982ء میں انکے ایک اورالبم”تھرلر” نے ایسا تہلکہ مچا یا کہ ہر ایک کی زبان پر مائیکل مائیکل تھاجو دنیا کا سب سے زیادہ فروخت ہونیوالا البم بھی قرار دیا گیا۔

(جاری ہے)

مائیکل جیکسن کی آواز کے ساتھ ساتھ ان کے انوکھے ڈانس اسٹائلز نے بھی عالمگیر مقبولیت حاصل کی جن کا مون واک نامی ڈانس اسٹائل ان کی شناخت بن گیا ۔

تھرلر، بیٹ اِٹ، بیڈ، ڈینجرس اور بلی جینز جیسے بلاک بسٹر میوزک البمز دینے والے مائیکل نے ایک حمدGive Thanks To Allah بھی ریکارڈ کرائی جس سے انکے اسلام قبول کرنے کی افواہوں نے جنم لیا۔ کنگ آف پاپ مائیکل جیکسن چند سال پہلے دنیا سے رخصت ہوئے تاہم اپنے گانوں کی صورت میں وہ آج بھی اپنے چاہنے والوں کے دِلوں میں زندہ ہیں۔

Facebook Twitter Google + Share on Whatsapp

کنگ آف پاپ مائیکل جیکسن کو مداحوں سے بچھڑے 6 برس بیت گئے

مزید فن و فنکار کی خبریں