ڈی سی اوز آفس میں کنٹرول روم قائم کیے جائیں گے جبکہ ویڈیو کیمروں کے ساتھ بھی جلوسوں کی ریکارڈنگ ہو گی‘عبداﷲخان سنبل
پولیس نے جامع سیکورٹی منصوبہ بندی کرکے متعلقہ ڈی سی او کو اعتماد میں لے لیا ہے اور تمام ڈیوٹیوں کا شیڈول بھی جاری ہو گیا ہے‘کمشنر لاہور ڈویژن
منگل 7 جولائی 2015 18:44
لاہور(اُردو پوائنٹ اخبار تازہ ترین۔ 07 جولائی۔2015ء ) کمشنر لاہور ڈویژن عبداﷲخان سنبل نے کہا ہے کہ یوم شہادت حضرت علیؓ پر لاہور سمیت پوری ڈویژن میں جلوسوں کے لیے سیکورٹی سمیت دیگر تمام انتظامات مطمئن حد تک مکمل کر لیے گئے ہیں اور تمام ڈی سی اوز جلوس کے راستوں اور مجلس مقامات کا حتمی دورہ کریں گے جن میں تمام محکموں کے افسران و عملہ سمیت منتظمین بھی ساتھ ہوں گے- انہوں نے کہا کہ واپڈا، واسا، لاہور ویسٹ مینجمنٹ کمپنی، ریسکیو 1122، سوئی گیس و دیگر تمام محکمے الرٹ ہیں اور ڈی سی اوز آفس میں کنٹرول روم قائم کیے جائیں گے جبکہ ویڈیو کیمروں کے ساتھ بھی جلوسوں کی ریکارڈنگ ہو گی- پولیس نے جامع سیکورٹی منصوبہ بندی کرکے متعلقہ ڈی سی او کو اعتماد میں لے لیا ہے اور تمام ڈیوٹیوں کا شیڈول بھی جاری ہو گیا ہے- ایس پی سیکورٹی کیپٹن (ر) لیاقت نے شرکائے اجلاس کو آگاہ کیا ہ پولیس نے مذکورہ حالات کو مدنظر رکھتے ہوئے جامع منصوبہ بندی کی ہے اور راستوں کی مکمل سویپنگ بھی کرائی جا رہی ہے جبکہ راستوں میں موجود گھروں اور دکانوں کو بھی چیک کرایا جا رہا ہے- اراکین صوبائی اسمبلی پنجاب چوہدری محمد شہباز اور ماجد ظہور نے کہا کہ حکومت پنجاب نے یوم شہادت علی ؓ پر موثر اور فول پروف سیکورٹی انتظامات کرنے کی واضح ہدایات جاری کی ہیں اور تمام منتخب عوامی نمائندے جلوسوں کے ساتھ موجود ہوں گے-کمشنر لاہور ڈویژن عبداﷲ خان سنبل کی زیر صدارت یوم شہادت حضرت علیؓ پر انتظامات کے حوالے سے آج اجلاس ہوا- اجلاس میں ایم پی اے چوہدری شہباز، ایم پی اے ماجد ظہور، ڈی سی او لاہور، شیخوپورہ، ننکانہ، قصور، ایڈیشنل کمشنر، ایس پی سیکورٹی لاہور، شیخوپورہ رینج، لائسنس ہولڈرزمرکزی جلوس،آئمہ فقہ جعفریہ اور تمام محکموں کے افسران نے شرکت کی-
متعلقہ عنوان :
مزید اہم خبریں
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
-
مزدور اور محنت کش طبقہ ملک کی تعمیر و ترقی میں ریڑھ کی ہڈی کی حیثیت رکھتا ہے ، مزدور طبقے کے حقوق کا تحفظ ملک کی تعمیر و ترقی کے لئے ناگزیر ہے، سردارایازصادق
-
ہماری کمزوری ہے کہ فیض آباد دھرناکیس کے ذمہ داروں کو سزا نہیں دے سکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.