کیمیائی تعامل 55تا 7.5تک ہونے والی زمین آم کی نرسری کے لیے موزوں ہے، زرعی ماہرین
منگل 4 اگست 2015 14:46
فیصل آباد ۔4 اگست (اُردو پوائنٹ اخبار تازہ ترین۔ 04 اگست۔2015ء)زرعی ماہرین نے آم کی نرسری تیار کرنے والے کاشتکاروں کو ہدایت کی ہے کہ ایسی زمین جس کا کیمیائی تعامل 55تا 7.5تک ہو آم کی نرسری کے لیے موزوں ہے ۔ایک ملاقات کے دوران انہوں نے کہا کہ ایسے زمیندار و کاشتکار جو آم کی نرسری لگانا چاہتے ہیں وہ پہلے اپنی زمین اور پانی کا تجزیہ کروالیں کیونکہ آم کے صحت مند پودے تیا ر کر نے کے لیے زمین میں موجود نمکیات زمینی تعامل اور غذائی اجزاء کی دستیابی کے بارے میں مکمل ہونا بہت ضروری ہے ۔
انہوں نے کہا کہ آم کی نرسری کے لیے جزوی سایہ دار جگہ کا ہونا بہت ضروری ہے جبکہ آم کی پنیری تیار کرنے کے لیے جولائی ،اگست کا مہینے موزوں ہیں ۔ انہوں نے کہا کہ نرسری کاشت کرنے سے قبل کھیت کو ہموار کرکے اس میں گوبر کی گلی سری کھاد 8تا10ٹرالی ،10بوری ایس ایس پی اور2بوری ایس او پی فی ایکٹر ڈال کر آبپاشی کردیں ۔(جاری ہے)
انہوں نے کہا کہ نرسری والی زمین میں سڑکیں اور راستے بنائیں ،زمین کی تیاری کے بعد چھوٹی چھوٹی کیاریاں بنائیں اور ہر دو کیاریوں کے درمیان آبپاشی کے لیے نالی بنائیں ۔
انہوں نے بتایا کہ صحت مند پودوں کے حصول کے لیے صحت مند بیج کا ہونا بہت ضروری ہے ۔ایک ایکڑ نرسری سے قریبا35سے 40ہزار پودے تیار کیے جا سکتے ہیں ۔ نرسری کیلئے گٹھلیوں کو ساتھ ساتھ جوڑ کر کیاریوں میں کاشت کیا جائے اور کاشت کے بعد گٹھلیوں کے اوپر 3-5سینٹی میٹر گوبر کی کھاد یا پتوں کی گلی سڑی کھاد بکھیر کر کیاریوں کی آبپاشی کریں اور اس کے بعد 2 سے 3تین دن کے وقفے سے آبپاشی کرتے رہیں دس دن کے بعد پودے اگنا شروع ہوجاتے ہیں اور یہ سلسلہ ڈیڑھ ہفتے تک جاری رہتا ہے جیسے ہی پودے سبز رنگت اختیار کریں انہیں فوری نرسری میں منتقل کردیا جائے ۔ انہوں نے بتایا کہ پودے نرسری میں منتقل کرتے وقت جن پودوں سے گٹھلی الگ ہو جائے ان کو ضائع کردیا جائے اور پودے کی کاشت سے پہلے گٹھلی سے 5تا7سینٹی میٹر نیچے موٹی جڑ کاٹ دیں ۔نرسری میں پودے لگانت وقت پودے سے پودے کا فاصلہ اور قطار سے قطار کا فاصلہ 25-30سینٹی میٹر جگہ چھوڑ دیں تاکہ وہاں بیٹھ کر پودوں کی پیوند کاری کی جا سکے ۔جو پودے خشک، بیماریا کمزور ہوجائیں انہیں نرسری سے نکال دیا جائے اور ان کی جگہ نئے پودے لگا دئیے جائیں ۔مزید تجارتی خبریں
-
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
-
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی پونڈ بھی مہنگا ہو گیا
-
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
-
کراچی میں نان 20اور روٹی کی قیمت 16 روپے مقرر کی جائے، ایازمیمن
-
سونے کے نرخ 600 روپے فی تولہ کمی سے 244,400 روپے ہو گئے، آل سندھ صرافہ جیولرز ایسوسی ایشن
-
ایس ای سی پی کا پہلے اسٹڈی نا ئوپے لیٹرڈیجیٹل پلیٹ فارم کے لائسنس کااجرا
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
سونے کی قیمتوں میں اضافے کا رجحان برقرار
-
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
-
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
-
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.