پاکستان ہاکی فیڈریشن کی کانگریس کا اجلاس
اختر رسول کے بعد شہناز شیخ بھی ‘ مستعفی، خالد سجاد24ویں صدر منتخب اختر رسول دور میں فیڈریشن کے سیکریٹری بننے والے رانا مجاہد عارضی طور پر اپنا عہدہ بچانے میں کامیاب پی ایچ ایف کانگرس کے اجلاس میں فیڈریشن کے ایک سو آٹھ میں سے چھیاسی اراکین نے شرکت کی اور نئے صدر کو اعتماد کا ووٹ دیا فیڈریشن کے آئین میں ترمیم کی جا رہی ہے ، اگلے چار سال کے لیے صدر منتخب ہوا ہوں ، ہاکی کے معاملات چلانے کے لیے دس کروڑ روپے کی فوری ضرورت ہے، ہاکی کی بہتری کا منصوبہ وزیر اعظم کی مشاورت سے تیار کیا جائے گا، بریگیڈئر ریٹائرڈ خالد سجاد فنڈز کی کمی اولمپکس کوالیفائنگ میں ناکامی کا سبب رہی، میرے دور میں پاکستان ہاکی ٹیم نے چار میں سے تین ٹورنامنٹس کے فائنل کھیلے،اصلاح الدین، اختر رسول اور میرے بعد اب اخلاقی طور پر رانا مجاہد کو بھی مستعفی ہوجانا چاہیے، شہناز شیخ
جمعرات 27 اگست 2015 22:36
اسلام آباد(اُردو پوائنٹ اخبار تازہ ترین۔ 27 اگست۔2015ء) بریگیڈیئر خالد سجاد کھوکھر پاکستان ہاکی فیڈریشن کے چوبیسویں صدر منتخب ہوگئے ہیں۔ یہ عہدہ گزشتہ ہفتے شدید حکومتی دباوٴ پر سابق اولمپئین اختر رسول کے مستعفی ہونے پر خالی ہوا تھا۔پاکستان ہاکی فیڈریشن کی کانگرس کا اجلاس جمعرات کی دوپہر اسلام آباد کے ایک ہوٹل میں ہوا، جس میں اختر رسول دور میں فیڈریشن کے سیکریٹری بننے والے رانا مجاہد عارضی طور پر اپنا عہدہ بچانے میں کامیاب رہے تاہم قومی ٹیم کے کوچ اور ماضی کے معتبر کھلاڑی شہناز شیخ کو اپنے منصب سے ہاتھ دھونا پڑے۔
بریگیڈیئر خالد سجاد نے بتایا کہ فیڈریشن کے آئین میں ترمیم کی جا رہی ہے اور وہ اگلے چار سال کے لیے صدر منتخب ہوئے ہیں۔ انہوں نے کہا کہ ہاکی کے معاملات چلانے کے لیے دس کروڑ روپے کی فوری ضرورت ہے۔(جاری ہے)
نو منتخب صدر ہاکی فیڈریشن کے بقول ہاکی کی بہتری کا منصوبہ وزیر اعظم کی مشاورت سے تیار کیا جائے گا۔با وثوق ذرائع کے مطابق شہناز شیخ سے بھی استعفی لیا گیا ہے تین اولمپک اور چار ورلڈ کپ ٹائٹل جیتنے والے ملک پاکستان میں ہاکی کا کھیل بری طرح زوال پذیر ہے۔
دو برس قبل ہالینڈ میں عالمی کپ میں شرکت سے محروم رہنے والی پاکستان ہاکی ٹیم گزشتہ ماہ ورلڈ ہاکی لیگ میں بری طرح ہار کر ریو اولمپک دو ہزار سولہ کی دوڑ سے بھی باہر ہو چکی ہے۔بتایا گیا ہے کہ ہاکی فیڈریشن کی گزشتہ انتظامیہ کی مبینہ بدعنوانیوں کے سبب پی ایچ ایف کا خزانہ خالی ہے اور کھلاڑیوں کو بھی سخت مالی پریشانیوں کا سامنا ہے۔ واضح رہے کہ اختر رسول کے پیش رو اور پاکستان پیپلز پارٹی کی گیلانی حکومت میں ہاکی فیڈریشن کے صدر رہنے والے قاسم ضیاء پہلے ہی سلاخوں کے پیچھے پہنچ چکے ہیں۔ذرائع کا کہنا ہے رانا مجاہد کی جگہ سابق کپتان شہباز سینئر کوسیکریٹری پی ایچ تعینات کیے جانے کا قوی امکان ہے بریگیڈیئر خالد سجاد کھوکھر ماضی میں خود بھی پاکستان آرمی ہاکی ٹیم کے کپتان رہ چکے ہیں البتہ ستر کی دہائی میں سمیع اللہ، منظور سینئر اور اصلاح الدین جیسے ایک سے بڑھ کر ایک کھلاڑی ہونے کی وجہ سے وہ انٹرنیشنل ہاکی میں قدم نہ رکھ سکے۔ موجودہ میلنیم کے شروع میں بریگیڈیئر خالد سجاد پاکستان ہاکی ٹیم کے مینیجر بھی رہے۔خالد سجاد پاکستان ہاکی فیڈریشن کے چوبیسویں صدر ہیں۔ انیس اڑتالیس میں ایف آئی ایچ سے منسلک ہونے کے بعد راجہ غضنفر پی ایچ یف کے پہلے سربراہ تھے۔ ایئر مارشل نورخان اور اختر رسول دو دو مرتبہ اس عہدے پر فائز رہ چکے ہیں۔سیکریٹری رانا مجاہد کے مستقبل کے بارے میں پوچھے جانے والے مسلسل سوالوں پر خالد سجاد کھوکھر کا کہنا تھا کہ فی الحال وہ اس عہدے پر کام کرتے رہیں گے تاہم ذرائع کا کہنا ہے رانا مجاہد کی جگہ سابق کپتان شہباز سینئر کوسیکریٹری پی ایچ تعینات کیے جانے کا قوی امکان ہے۔قومی کوچ شہناز شیخ کے مستعفی ہونے کا انکشاف پی ایچ کے نئے صدر نے کانگرس کے اجلاس میں کیا۔ با وثوق ذرائع کے مطابق شہناز شیخ سے بھی استعفی لیا گیا ہے۔ شہناز شیخ کا کہنا تھا کہ فنڈز کی کمی اولمپکس کوالیفائنگ میں ناکامی کا سبب رہی۔ انہوں نے کہا کہ میرے دور میں پاکستان ہاکی ٹیم نے چار میں سے تین ٹورنامنٹس کے فائنل کھیلے۔ شیخ کے بقول انہوں نے اپنے استعفی میں پاکستان ہاکی کے زوال کی تفصیلی وجوہات بیان کی ہیں۔ ایک سوال کے جواب میں شہناز شیخ کا کہنا تھا کہ اصلاح الدین، اختر رسول اور میرے بعد اب اخلاقی طور پر رانا مجاہد کو بھی مستعفی ہوجانا چاہیے۔پی ایچ ایف کانگرس کے اجلاس میں فیڈریشن کے ایک سو آٹھ میں سے چھیاسی اراکین نے شرکت کی اور نئے صدر کو اعتماد کا ووٹ دیا۔مزید کھیلوں کی خبریں
-
پاکستان کرکٹ بورڈ نے پاکستان ٹیم کےلیےغیرملکی کوچز کا اعلان کر دیا
-
نیوزی لینڈ بورڈ نے اسکواڈ کا اعلان دو ننھے بچوں سے کروایا
-
پی سی بی جلد ہی پاکستان ٹی ٹونٹی ورلڈ کپ سکواڈ کا اعلان کرے گا
-
پرائم منسٹر نیشنل ٹیلنٹ ہنٹ ٹیبل ٹینس نیشنل لیگ شروع
-
پاکستان سپر لیگ 9 کی فاتح ٹیم اسلام آباد یونائیٹڈ اگلے ماہ پی ایس ایل جیت کا جشن منائے گی
-
ایل پی پی ترین کرکٹ اکیڈمی ، کنیئرڈ کالج لاہورکی ویمن کرکٹ ٹیموں کے درمیان نمائشی میچ
-
ٹی ٹوئنٹی ورلڈ کپ، جنوبی افریقا نے کٹ کی رونمائی کر دی
-
اشہب عرفان نے روچسٹر پروم اسکواش ٹورنامنٹ جیتنے کا اعزاز حاصل کرلیا
-
بھارتی فین کرسٹیانو رونالڈو سے آٹو گراف لینے 1200 کلومیٹر پیدل چل کر ریاض پہنچا
-
قومی کھیل ہاکی حکومت کی ترجیحات میں شامل ہے،حنیف عباسی
-
پاکستانی کرکٹ ٹیم کو کامیابی سے ہمکنار کرنا چاہتے ہیں، جیسن گلیسپی
-
انڈین پریمیئر لیگ میں بولرز پیسے لے کر تباہ ہورہے ہیں : وسیم اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.