خیبر پختونخوامیں روزانہ تین کروڑ کی نسوار اور کراچی میں پانچ لاکھ روپے کا گٹکا فروخت ہو تا ہے، ڈاکٹر وارث
منگل 6 اکتوبر 2015 16:59
کراچی(اُردو پوائنٹ اخبار تازہ ترین۔ 06 اکتوبر۔2015ء) خیبر پختونخواہ میں روزانہ 3کروڑ روپے کی نسوار استعمال کی جاتی ہے جبکہ کراچی میں روزآنہ چار سے پانچ لاکھکا گٹکا بہ آسانی فروخت ہوجاتا ہے،ایک تحقیق کے مطابق 13 سے 15 سال کی عمر کے نوجوانوں میں گٹکا اور نسوار کے استعمال کے رحجان میں بہت تیزی کے ساتھ اضافہ ہو رہا ہے۔یہ بات آغا خان یونیورسٹی میڈیکل ہسپتال کے ڈاکٹر محمد وارث پنجانی نے گزشتہ شام محمد علی جناح یونیورسٹی کراچی میں منائے جانے والے ہیلتھ کئیر ڈے کے موقع پر دیئے جانے والے ایک لیکچر کے دوران بتائی ۔
انہوں نے کہا کہ پان،چھالیہ،چونا،گٹکا، نسوار اور سگریٹ کے استعمال کی بنا پر منہ اور پھپڑوں کے کینسر کے 70 فی صد امکانات پیدا ہوجاتے ہیں ،کینسر ہوجانے کے بعد ایک مریض کی جانب سے پانچ سال تک بہترین علاج کرانے کے باوجود اس کے زندہ بچنے کے امکانات 50 فی صد رہ جاتے ہیں اور اگر وہ بچ بھی جائے تو کسی نہ کسی معذوری کا شکار ہوجاتے ہیں۔(جاری ہے)
انہوں نے بتایا کہ کینسر کا واحد علاج سرجری ہے اور اگر کینسر پورے جسم میں پھیل جائے تو پھر اس علاج ممکن نہیں رہتا ہے۔
انہوں نے بتایا کہ منہ میں چھالا ہوجائے تو اس کے علاج میں غفلت نہ برتنی چاہیے اور اگر تین ہفتہ تک علاج کے باوجود وہ ختم نہ ہورہا ہے تو ڈاکٹر سے رجوع کرکے بیاپسی کرانی چاہیے تاکہ مرض کی صحیح تشخیص ہو سکے۔ڈاکٹر وارث نے نوجوان طبقہ میں گٹکا کے بڑھتے استعمال پر اپنی تشویش کا اظہار کرتے ہوئے طلبہ کو بتایا کہ اس کے استعمال کا سب سے بڑا نقصان معدہ،منہ اور خوراک کی نالی کو ہوتا ہے اور اس کو پابندی سے کھانے والوں کے دانت اور مسوڑھے خراب ہو جاتے ہیں۔انہوں نے بتایا کہ گٹکا استعمال کرنے والے افرادنفسیاتی بیماریوں کا بھی شکار ہوجاتے ہیں جن میں بے خوابی اور ڈپریشن قابل ذکر ہیں،علاوہ ازیں گٹکا استعمال کرنے والوں کو سینہ میں درد،دل کی دھڑکن تیز ہوجانے اور نبض بے ترتیب ہو جانے کی بھی شکایات پیدا ہوجاتی ہیں ۔ انہوں نے کہا کہ مسلسل سگریٹ نوشی کے عادی افراد بالآخر پھپڑوں کے سرطان کا شکار ہوجاتے ہیں جس کی وجہ سے ان کی جان بچانے کے امکانات بہت کم ہوجاتے ہیں۔انہوں نے طلبہ پر زور دیا کہ اچھی صحت کے حامل نوجوان ایک اچھے معاشرہ کی تخلیق میں مثبت رول انجام دے سکتے ہیں اس لئے چاہیے کہ وہ ایک خوشگوار زندگی گذارنے کے لئے سگریٹ،شیشہ، نسوار،پان،چھالیہ،چونا اور گٹکا کے استعمال سے اپنے آپ کو دور رکھیں۔متعلقہ عنوان :
مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.