عوام کی جو توقعات ہم سے وابستہ تھیں اختیارات نہ ملنے کی وجہ سے ان پر پانی پھر ہے، محمد علی محمد حسنی یونین کونسلر مرغزانی
جمعہ 16 اکتوبر 2015 19:15
سبی(اُردو پوائنٹ اخبار تازہ ترین۔ 16 اکتوبر۔2015ء ) یونین کونسل مرغزانی کے کونسلر محمد علی محمد حسنی نے کہا ہے کہ صوبائی حکومت نے بلدیاتی اداروں کے اختیارات پر قبضہ کرکے انہیں مفلوج بنا دیا ہے بلدیاتی اداروں کو آئین میں دیئے گئے اختیارات کی منتقلی نہ ہونا بدنیتی پر مبنی ہے،مقامی حکومتوں کے قیام کے دعویدار صوبائی حکومت بلدیاتی نمائندوں کو بااختیار بنانے کے لیے عملی طور پر ٹھوس اقدامات اٹھائے ان خیالات کا اظہار انہوں نے یونین کونسل مرغزانی کے مقامی افراد کے وفد سے بات چیت میں کیا،انہوں نے کہا کہ اختیارات نہ ہونے کی وجہ سے بلدیاتی نمائندئے بے بس ہیں اور عوام سے کیئے گئے وعدوں کو عملی جامعہ پہنانے میں ناکام ہو چکے ہیں انہوں نے کہا کہ عوام کی جو توقعات ہم سے وابسطہ تھیں اُن پر اختیارت کی درست معنوں میں منتقلی نہ ہونے کی وجہ سے پانی پھر چکا ہے اور عوام بلدیاتی نظام اور اس سے وابسطہ بلدیاتی نمائندوں سے مایوس ہوتے جارہے ہیں انہوں نے کہا کہ ہم عوام کی خدمت سے سرشار ہیں اور عوامی خدمت کا جذبہ لے کربلدیاتی انتخابات میں حصہ لیا تاکہ عوام کے مسائل نچلی سطح پر حل کرسکیں لیکن بدقسمتی کے ساتھ صوبائی حکومت کی جانب سے اختیارات کی منتقلی نہ ہونا بدنیتی کا ثبوت ہے جبکہ مقامی حکومتوں کے قیام اور اختیارات کی عدم منتقلی سے جمہوری عمل بھی ادھورا رہ چکا ہے انہوں نے کہا کہ جمہوریت کے دعوئے دار صوبائی حکومت یہ راگ الاپتے نہیں تھکتی ہے کہ ملک بھر میں سب سے پہلے ہم نے بلوچستان میں بلدیاتی انتخابات کرواکر بڑا تیر مارا ہے لیکن اختیارات کی عدم منتقلی جمہوریت کا گلہ گھونٹنے کے مترادف ہے اور حکومتی دعوئے ہوا میں اڑ چکے ہیں انہوں نے کہا کہ اگر جمہوری عمل کو مکمل کرنا ہے تو بلدیاتی اداروں کو اختیارات ہنگامی بنیادوں پر منتقل کرنا ہوں گے۔
متعلقہ عنوان :
مزید اہم خبریں
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
-
مزدور اور محنت کش طبقہ ملک کی تعمیر و ترقی میں ریڑھ کی ہڈی کی حیثیت رکھتا ہے ، مزدور طبقے کے حقوق کا تحفظ ملک کی تعمیر و ترقی کے لئے ناگزیر ہے، سردارایازصادق
-
ہماری کمزوری ہے کہ فیض آباد دھرناکیس کے ذمہ داروں کو سزا نہیں دے سکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.