کاشتکار گل گلائل کی کاشت ماہ دسمبر میں مکمل کرلیں ٗزرعی ماہرین
گلائل کی کاشت کیلئے زرخیز اور اچھے نکاس والی زمین کا انتخاب کیا جائے ٗہدایت
اتوار 29 نومبر 2015 16:42
فیصل آباد (اُردو پوائنٹ اخبارتازہ ترین - این این آئی۔29 نومبر۔2015ء)جامعہ زرعیہ کے ماہرین نے کاشتکاروں کو ہدایت کی ہے کہ گل گلائل کی کاشت ماہ دسمبر میں مکمل کرلیں۔ گلائل کی کاشت کیلئے زرخیز اور اچھے نکاس والی زمین کا انتخاب کیا جائے۔ کاشت سے پہلے گوبر کی گلی سڑی کھاد ڈال کر زمین کو اچھی طرح تیار کرلیں۔ زمین کی زرخیزی کو برقرار رکھنے کیلئے این پی کے کیمیائی کھاد بحساب دو پاؤنڈ فی 100 مربع فٹ کے حساب سے ڈالی جائے ماہرین نے بتایا کہ کاشت کے وقت کھاد کا استعمال کرتے ہوئے اس بات کا خیال رکھا جائے کہ کھاد گھٹیوں کے ساتھ نہ لگے ورنہ یہ گل سڑ جائیں گی۔
گلائل کی کاشت بذریعہ بیج اور گھٹیہ دونوں طریقوں سے کی جاسکتی ہیں جبکہ بذریعہ بیج کاشت کی جانے والی فصل کافی دیر کے بعد پھول دیتی ہے لہذا جلدی پھول حاصل کرنے کیلئے عام طور پر اس کی کاشت گھٹیوں سے کی جاتی ہے ۔(جاری ہے)
انہوں نے کہا کہ گھٹیاں نہ زیادہ بڑی ہونی چاہئے نہ زیادہ چھوٹی بلکہ ان کی موٹائی 3/4 سے 1/4 1-زیادہ موزوں رہتی ہے۔ گھٹیوں کی قطاروں میں بوائی قطار سے قطار 3-2 فٹ اور گھٹی سے گھٹی کا فاصلہ 4 انچ رکھا جائے۔
انہوں نے کہا کہ گھٹیاں سائز کے مطابق 3 سے 4 انچ کی گہرائی تک بوائیں۔ گھٹیاں کاشت کرنے سے قبل ان کو پھپھوندکش زہر لگائی جائے اور کاشت کے بعد فورا پانی لگا دیا جائے۔پانی کو کھیت میں کھڑا نہ ہونے دیا جائے ورنہ گھٹیاں گل سڑ جائیں گی۔ انہوں نے بتایا کہ جب پودے اگ آئیں تو جڑی بوٹیوں کے تدارک کیلئے ہلکی گوڈی کریں اور جب پودے 8 انچ کے ہوجائیں تو ان کے ساتھ مٹی چڑھا دی جائے۔انہوں نے بتایا کہ زیادہ سردی اور کورے والے علاقوں میں خیال رکھیں کہ کورا پڑنے سے پہلے پودے اگ آئیں تاکہ ان کے اندرکورا برداشت کرنے کی صلاحیت پیدا ہوجائے۔مزید تجارتی خبریں
-
امریکی ڈالرکے مقابلے میں روپے کی قدر میں اضافہ ریکارڈ
-
وفاقی وزیرصنعت و پیداواررانا تنویرحسین 4 مئی کوایف پی سی سی آئی کا دورہ کریں گے
-
پاکستان سٹاک ایکسچینج میں مندی کارحجان، 100انڈیکس میں 444.90پوائنٹس کی کمی
-
لاہور: برائیلرگوشت کی قیمت میں 15 روپے کلواضافہ
-
سوزوکی سوئفٹ کی قیمتوں میں 7 لاکھ 10 ہزار روپے تک کمی
-
ڈالر کی قدر میں کمی کے ساتھ ہی گاڑی خریدنے کے خواہمشند افراد کے لئے بڑی خوشخبری
-
پاکستان اور مشرقی ایشیا کے ممالک کے درمیان دو طرفہ تجارت کے حجم میں اضافہ ریکارڈ
-
چاول کی برآمدات میں جاری مالی سال کے پہلے 9 ماہ میں نمایاں اضافہ
-
زیر گردش کرنسی کے حجم میں ہفتہ وار بنیادو ں پر 1.5 فیصد کی کمی ، ڈیپازٹس میں اضافہ
-
پاکستان سٹاک ایکسچینج میں مندی، 100 انڈیکس 96پوائنٹس کی کمی سے 71ہزار6پوائنٹ پر آگیا
-
مرکزی بینک نے شرح سود برقراررکھ کرکاروباری برادری کومایوس کیا ہے،میاں زاہد حسین
-
برائلر گوشت کی قیمت میں15روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.