الیکشن کمیشن تماشا ہے، ملک شفاف انتخاباتکیلئے ترس گیا ہے،عمران خان
پیر 30 نومبر 2015 13:49
اسلام آبا د(اُردو پوائنٹ اخبارتازہ ترین - آن لائن۔30 نومبر۔2015ء) تحریک انصاف پاکستان کے چیئرمین عمران خان نے کہا ہے کہ یہ ملک شفاف الیکشن کیلئے ترس گیا ہے ،الیکشن کمیشن کا ضابطہ اخلاق صرف تحریک انصاف کیلئے بنایا جاتا ہے ،ہمارے ہاتھ پاؤں باندھ کر دوسری پارٹیوں کو ہر ناجائز کام کرنے کیلئے اجازت دے دی گئی ہے الیکشن کمیشن صرف تماشے کا کردار ادا کررہا ہے،میرے پاس وزارت ہے اور نہ ہی انکم سپورٹ پروگرام کا کارڈ ہے ،سوائے منشور کے عوام کو کچھ دینے کو نہیں پھر بھی مجھ پر تین ایف آئی آر کاٹ دی گئیں ،جلسہ سے خطاب کرنا سب سے بڑا جمہوری عمل ہے رکاوٹ ڈالی گئی تو چوتھی ایف آئی آر بھی کٹوانے کو تیار ہوں۔
(جاری ہے)
وزیر اعظم نے بلدیاتی الیکشن کا سنتے ہی سب پہلے 40 ارب روپے کا پیکج کا اعلان کیا ،کیا نواز شریف پر ایف آئی آر کاٹی گئی؟43 ارب کا کسان پیکج دیا گیا کیا ایف آئی آر کاٹی گئی؟لودھراں میں جہانگیر کے حلقہ میں ڈھائی ارب کا پیکج کا اعلان کیا گیا ،کیا ایف آئی ار کاٹی گئی؟ایک آدمی نے 25,25 ووٹ کاسٹ کئے ،کیا ایف آئی آرکاٹی گئی؟عام انتخابات میں 35 فیصد فارم15 غائب تھے،کسی کے خلاف ایف آئی آر کاٹی گئی؟این اے122 میں دھاندلی ہوئی کسی کے خلاف ایف آئی آر کاٹی گئی؟کیا ایف آئی آر کاٹنے کیلئے صرف عمران خان رہ گیا ہے، میرے پاس کچھ دینے کے لئے نہیں پھر بھی جلسہ سے خطاب کرنے کے لئے روکا گیا ہے ،میرے پاس وزارت ہے اور نہ ہی بے نظیر انکم سپورٹ پروگرام کا کارڈ ہے ،عوام کو سوائے منشور کے دینے کے سوا اور کچھ بھی نہیں ہے پھر بھی میرے راستے میں رکاوٹیں ڈالیں گئیں،کیا الیکشن کمیشن کا ضابطہ اخلاق صرف تحریک انصاف کے لئے ہے،میرے اوپر بطور پارٹی چیئرمین 3 مرتبہ ایف آئی آر کاٹی گئیں ہیں کہ میں نے جلسہ سے خطاب کیوں کیا ہے حالانکہ یہ سب سے بڑا جمہوری عمل ہے ،میں چوتھی ایف آئی آر بھی کٹوانے کے لئے تیار ہوں،عمران خان نے مزید کہا کہ بھارت میں الیکشن ہوا ہے وہاں عام آدمی پارٹی نے کامیابی حاصل کی ہے حکمران جماعت نے شکست تسلیم کر لی ہے وہاں صاف وشفاف الیکشن ہوا کسی کے خلاف ایف آئی آر نہیں کاٹی گئی ،ہمارا ملک صاف وشفاف الیکشن کیلئے ترس گیا ہے ،الیکشن کمیشن جانبداری کا مظاہرہ کررہا ہے ،تحریک انصاف کے ہاتھ پاؤں باندھ کر دوسری جماعتوں کو ہر ناجائز کام کرنے کی اجازت دے دی گئی ہے
متعلقہ عنوان :
مزید اہم خبریں
-
قوم اور پاکستان نو مئی کے مجرموں کو بھولے ہیں نہ بھولیں گے، وزیراعظم محمد شہباز شریف کی سوشل میڈیا ایکس پر پوسٹ
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
-
ڈی جی آئی ایس پی آر نے اب کہا، پی ٹی آئی تو پہلے دن سے جوڈیشل انکوائری کا کہہ رہی ہے
-
آپ محافظ ہیں مالک نہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.