پاکستان کا شمار سب سے کم مچھلی کھانے والے ممالک میں ہوتا ہے، ڈاکٹر محمدایوب
عمر جمشید بدھ 2 دسمبر 2015 16:26
لاہور(اُردو پوائنٹ تازہ ترین ۔۔ آئی پی اے ۔۔02 دسمبر۔2015ء) ڈائریکٹر جنرل ماہی پروری پنجاب ڈاکٹر محمد ایوب نے کہا ہے کہ دیہی علاقوں کے لوگوں کو فش فارمنگ کی طرف راغب کرکے ان کیلئے روزگار کے مواقع پیدا کرکے ان کی آمدنی میں اضافہ کیا جاسکتا ہے۔ ایکواکلچر کے ذریعے کم زرخیر اور کم معیار کی زمین کو بھی استعمال میں لاکر ذریعہ آمدن بنانا چاہیے۔
انہوں نے یہ بات اپنے دفتر میں ملاقات کیلئے آنے والے مختلف یونیورسٹیوں کے زوالوجی کے طلباء و طالبات کے وفد سے گفتگو کرتے ہوئی کہی۔ انہوں نے کہا کہ زراعت ، مویشی پال، پولٹری اور دیگر زرعی کاشت سے متعلق لوگ ساتھ ساتھ فش فارمنگ بھی کرسکتے ہیں اور نہ صرف اپنی آمدنی میں اضافہ کرسکتے ہیں بلکہ قومی معیشت میں بھی اپناحصہ ڈال سکتے ہیں۔(جاری ہے)
انہوں نے کہاکہ دیہی علاقوں کے نوجوانوں کو فش فارمنگ کی طرف راغب کرنے کیلئے محکمہ ماہی پروری ان کی ہرممکن حوصلہ افزائی کررہا ہے۔
ڈاکٹر محمد ایوب نے بتایاکہ متوازن غذا کا استعمال صحت مند زندگی کیلئے نہایت اہمیت کا حامل ہے اورمچھلی اس وقت دنیا کے تقریباً 4.3ارب لوگوں کی غذا کا حصہ ہے۔انہوں نے کہاکہ مچھلی پروٹین، وٹامن، منرل اور اومیگاتھری ایسڈز کے حصول کا بہترین ذریعہ ہیں اور اسے اپنی خوراک میں شامل کرکے یادداشت کا متاثرہونا، گنٹھیا، دل کی بیماریوں، بڑی آنت کے کینسر، فالج سے محفوظ رہا جاسکتا ہے۔ انہوں نے کہاکہ مچھلی کا استعمال مدافعتی نظام میں بہتری اور ہارمونز کی پیداوار میں بھی نہایت مفید ہے۔انہوں نے کہاکہ دنیابھر میں مچھلی کی اوسط کھپت 19.2کلوگرام فی کس سالانہ ہے۔ڈائریکٹر جنرل ماہی پروری نے کہاکہ ایکواکلچر پاکستان میں سب سے زیادہ تیزی سے بڑھتا ہوا خوراک کی پیداوار کا شعبہ ہے جس کی سالانہ ترقی کی اوسط شرح 10فیصد ہے۔انہوں نے کہاکہ اس وقت ملک میں مچھلی کی تقریباً14اقسام کی تجارتی بنیادوں پر افزائش کی جارہی ہے جن میں12اقسام کا تعلق تازہ پانی جبکہ2کا ٹھنڈے پانی سے ہے اور اس سلسلہ میں زیادہ قیمت کی حامل اقسام پر تحقیق و تجربات کئے جارہے ہیں۔ انہوں نے کہاکہ پاکستان کا شمار دنیا میں سب سے کم مچھلی کھانے والے ممالک میں ہوتا ہے اور یہاں مچھلی کی کھپت صرف2.2کلوگرام فی کس سالانہ ہے ۔یہ صورتحال مواقع فراہم کرتی ہے کہ ایکواکلچر اور فش فارمنگ کے کاروبار میں سرمایہ کاری کی جائے۔ انہوں نے کہاکہ محکمہ ماہی پروری پنجاب اپنے بہتر انتظام و تحفظ سے مچھلی کی افزائش میں اضافہ کرنے کی پوری کوشش کر رہا ہے تاکہ لوگوں کو اعلیٰ معیار کی اینیمل پروٹین فراہم کی جاسکے۔متعلقہ عنوان :
مزید تجارتی خبریں
-
انٹر بینک میں ایک ہفتے کے دوران ڈالر کی قدر بڑھ گئی جبکہ اوپن مارکیٹ ڈالر سستا ہو گیا
-
ملکی صرافہ مارکیٹوں میں سونا سستا ہو گیا
-
کاٹن مارکیٹ میں گزشتہ ہفتہ کے دوران روئی کے بھاؤ میں مندی کا عنصر غالب رہا
-
100 اور1500 روپے ما لیت کے انعا می با نڈزکی قرعہ اندازی 15 مئی کو ہو گی
-
سونے کی فی تولہ قیمت میں1600 روپے کمی ریکارڈ
-
سونے کی عالمی سطح پر قیمت میں اضافہ، مقامی مارکیٹ میں سستا ہوگیا
-
سونے کی فی تولہ قیمت 1600 روپے کم ہو کر 2 لاکھ 38 ہزار روپے ہوگئی،آل سندھ صرافہ جیولرز ایسوسی ایشن
-
برائلر گوشت کی قیمت مستحکم، فارمی انڈے مہنگے
-
گزشتہ 3 دنوں سے جاری 3 فیصد کریکشن کے بعد پاکستان اسٹاک مارکیٹ سے مندی کے بادل چھٹ گئے اور جمعہ کو زبردست تیزی کا رجحان غالب آگیا جس کی وجہ سے مارکیٹ ایک بار پھرنہ
-
انٹر بینک میں روپے کے مقابلے ڈالر مہنگا ہو گیا تاہم اوپن مارکیٹ میں ڈالر کی قدر گھٹ گئی
-
ملکی صرافہ مارکیٹوں میں سونے کی قیمتوں میں کمی
-
پاکستان سٹاک ایکسچینج میں کاروباری ہفتہ کے اختتام پر تیزی کارحجان، انڈکس 1244.45 پوائنٹس(1.76فیصد) اضافہ کے بعد71902.09 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.