سپریم کورٹ کے احکامات پر عمل،کراچی واٹر اینڈ سیوریج بورڈ نے تمام OPS اور خلاف ضابطہ ترقی پانیوالے 57انجینئرز اور 2 ڈی ایم ڈی سمیت 191 افسران کی تنز لی کردی
اصل گریڈ میں واپس بھیجنے کے احکامات جاری،شکایات سننے کے لئے ڈپٹی منیجنگ ڈ ائریکٹر مشکور الحسنین کی نگرانی میں 5رکن کمیٹی قائم
ہفتہ 2 جنوری 2016 20:19
کراچی( اُردو پوائنٹ اخبارتازہ ترین - آن لائن۔02 جنوری۔2016ء) کراچی واٹر اینڈ سیوریج بورڈ نے سپریم کورٹ کے احکامات پر عمل کر تے ہوئے تمام OPS اور خلاف ضابطہ ترقی پانے والے 57انجینئرز اور 2 ڈی ایم ڈی سمیت 191 افسران کی تنزلی کرتے ہوئے ان کے اصل گریڈ میں واپس بھیجنے کے احکامات جاری کر دئے ہیں،ان افسرن و انجینئرز اور ملازمین کی تنزلیوں کے حوالے سے شکایات سننے کے لئے ڈپٹی منیجنگ ڈ ائریکٹر مشکور الحسنین کی نگرانی میں 5رکن کمیٹی قائم کر دی گئی ہے جس کے ممبران میں سینئر ڈائریکٹر ہیو من ریسورسز محمود قادر، ڈائریکٹر ایم ایم ایس ارشد جاوید،اکاؤنٹس آفیسر نظام الدین ، ڈپٹی میڈیکل سپر نٹنڈنٹ ڈاکٹر شبیر احمد شامل ہیں کمیٹی شکایات کا جائزہ لے گی تاکہ کسی کے ساتھ ناانصافی کا احتمال نہ رہے، کمیٹی 30دن میں اپنی رپورٹ مکمل کر کے پیش کرے گی،اگر کوئی افسر یہ سمجھتا ہے کہ اس کے ساتھ ناانصافی ہو ئی ہے تو کمیٹی ایسے افسران کے ساتھ انصاف کرے گی،انصاف کے تمام تقاضے پورے کئے جائیں گے،دریں اثنا ایم ڈی واٹر بورڈ مصباح الدین فریدنے تمام ڈی ایم ڈیز ،چیف انجینئرز، ڈائریکٹرز،پروجیکٹ ڈائریکٹر اور سربراہان محکمہ کو خط کے زریعے ہدایت کی ہے کہ سپریم کورٹ کے احکامات پر صحیح معنوں میں عمل درآمد کو یقینی بنانے کے لئے محکمہ جاتی سربراہان اپنے محکموں کے ایسے تمام OPS اور آؤٹ آف ٹرن پروموشن پانے والے افسران کی فہرستیں فراہم کریں جن کے احکامات جاری ہو نے سے رہ گئے ہوں اور اس بات کو یقینی اور لازمی بنایا جائے کہ کو ئی بھی افسر جو اس زمرہ میں آتا ہو اس کے لئے احکامات جاری ہو گئے ہوں تاکہ سپریم کورٹ کے احکامات کی تعمیل میں کسی قسم کی حکم عدولی کا شبہ نہ رہے ، انہوں نے تمام افسران کو ہدایت کی ہے کہ وہ فوری طور پر اپنے محکمہ کی جانب سے یہ سرٹیفکٹ جمع کرائیں کہ ان کے محکمہ میں OPS میں اب کو ئی بھی افسر کام نہیں کررہاہے اور جاری کئے جانے والے احکامات پر متعلقہ افسران سے عملدرآمد کرالیاگیا ہے،واضح رہے کہ OPS اور آؤٹ آف ٹرن پروموشن کے افسران کے سلسلہ میں واٹر بورڈ نے احکامات جاری کر دئے ہیں اور متعلقہ افسران کو احکامات کی کاپیاں فراہم کردی گئی ہیں ، ایم ڈی واٹر بورد نے کہا ہے کہ اس معاملہ میں سختی سے عملدرآمد کے ساتھ شفافیت کی ضرورت ہے کیونکہ سپریم کورٹ کے احکاما ت کی تعمیل ہر افسر پر لازم ہے لہٰذا اس سلسلہ میں کسی بھی قسم کی عدم تعمیل پر متعلقہ افسران از خود ذمہ دار اور جوابدہ ہو ں گے،ایم ڈی واٹربورڈ نے مزید کہا ہے کہ سپریم کورٹ کے احکامات اور انصاف کے تقاضوں کو پیش نظر رکھتے ہوئے اورواٹر بورڈ کو مثالی خدمتی ادارہ بنانے کے لئے یہ اقدامات کئے گئے ہیں لہٰذا ان فیصلوں کو خوش دلی سے قبول کیاجائے ، شہریوں کو سروسز کی بہتر سہولتوں کی فراہمی جاری رکھی جائے اور خدمات کے معیار کو بر قرار رکھاجائے ،کسی بھی امور میں کمی نہ آنے دی جائے تاکہ شہر یوں کو فراہمی و نکاسی آب کی بہتر سہولتیں فراہم کی جاتی رہیں،ادارہ کا امیج ہمیں مل کر بحا ل رکھنا ہے۔
متعلقہ عنوان :
مزید اہم خبریں
-
برطانیہ کی حکمراں جماعت کنزرویٹو پارٹی کو بلدیاتی الیکشن میں بدترین شکست کا سامنا‘وزیراعظم رشی سونک کا اقتدار خطرے میں
-
چنے‘پالک‘بادام‘خشک انجیر اور مچھلی دودھ سے زیادہ کیلشیم والی غذائیں
-
صبح اور دوپہر کے بجائے رات میں کیلشیم زیادہ لینا فائدہ مند ہونے کے بجائے نقصان دہ ثابت ہوسکتا ہے.تحقیق
-
کینیڈین پولیس نے سکھ راہنما ہردیب سنگھ نجر کے قتل کے الزام میں تین بھارتی شہریوں کو گرفتار لیا
-
نیب نے ارکان پارلیمنٹ اور سیاستدانوں کو سیاسی انتقام سے بچانے کی پالیسی کی تیاری شروع کردی
-
ملک میں 1961 کے بعد رواں سال اپریل میں سب سے زیادہ بارش ریکارڈ کی گئی.محکمہ موسمیات
-
پاکستانی امریکن ڈاکٹر غزہ جاکر زخمی فلسطینیوں کا علاج کرنے لگے
-
پنجاب کے کسان پریشان کیوں ہیں؟
-
اقوام متحدہ کے زیر اہتمام ملک بھر میں عجائب گھروں کا عالمی دن 18 مئی کو منایا جائے گا
-
ملک میں1961 کے بعد رواں سال اپریل میں سب سے زیادہ بارش ریکارڈ کی گئی، رپورٹ
-
وزیر اعظم نے ججوں کی تعیناتی کیلئے آئینی ترمیم کی ہدایات کی ہیں،اعظم نذیر تارڑ
-
کوئی غلط فہمی میں نہ رہے‘ صوبے کی پائی پائی وصول کریں گے، مشیر خزانہ خیبرپختونخوا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.