رواں سال ماڈل و اداکارہ صبا قمر کی 2فلمیں ریلیز ہوں گی،ایک فلم کے لیے آٹم سانگ شوٹ کر وا دیا
لاہور(اُردو پوائنٹ اخبارتازہ ترین - آن لائن۔07 جنوری۔2016ء) مشہورو معروف اداکارہ صبا قمر کی دوفلمیں ” کمبخت“ اور”8969” پوسٹ پروڈکشن کے مراحل میں داخل ہوگئیں ان دونوں فلموں میں وہ مرکزی کردار کر رہی ہیں۔ان کی ایک فلم ”منٹو“ پچھلے سال ریلیز ہوئی جس میں انھوں نے ملکہ ترنم نورجہاں مرحومہ کا کردار کیا۔تفصیلات کے مطابق صبا قمر نے اپنے کیرئیر کا آغاز ڈرامہ سیریل ”میں عورت ہوں“ سے کیا اس کے بعد انھوں نے ”جناح کے نام“ ، ”تیرا پیار نہیں بھولے“ ، ”داستان“ ، ” بنٹی آئی لو یو“ ، ”پانی جیسا پیار “ میں احسن خان ، فواد خان اور میکال ذوالفقارسمیت دیگر معروف فنکاروں کے مد مقابل اپنی اداکاری کے جوہر دیکھائے۔
صبا قمر نے اداکار ندیم بیگ اور شبنم کی سپرہٹ فلم ”آئینہ“ کے ری میک ”آئینہ“ میں اداکارہ شبنم کا کردار ریٹا پرفارم کیا جس میں ان کے مد مقابل فیصل قریشی تھے جبکہ گزشتہ سال سرمد سلطان کھوسٹ کی فلم ”منٹو“ ریلیز ہوئی جس میں صبا قمر نے ملکہ ترنم نورجہاں کا رول کیا اس میں ان کی پرفارمنس کو پسند کیا گیا۔(جاری ہے)
اداکار عظیم سجاد نے بطور ہدایتکار ایکشن تھرل فلم ”8969”میں انھیں مرکزی کردار میں کاسٹ کیاہے اس میں اداکارہ صبا قمر نے ایک آئٹم سانگ بھی شوٹ کروایا جس میں ان کی بولڈ پرفارمنس پر سنجیدہ حلقوں میں موضوع بحث رہنے کے ساتھ تنقیدبھی کی گئی،اس فلم کو 2015میں ریلیز کرنے کا اعلان کیا گیا تھا۔
بعدازاں اسے رواں سال نمائش نمائش کے لیے پیش کیا جانے کا بتایا گیا مگر ابھی تک کوئی حتمی تاریخ نہیں دی گئی۔ اداکارہ کی دوسری فلم ”کمبخت“ جس کو اداکار حمزہ علی عباسی ڈائریکٹ کر رہے ہیں، اس کی شوٹنگ مکمل ہوچکی ہے مگر معلوم ہوا ہے کہ حمزہ علی عباسی اس کے اسکرپٹ میں ردوبدل کرکے کچھ سین ری شوٹ کرنا چاہتے ہیں جس کی وجہ سے اس کی نمائش میں تاخیر ہورہی ہے دیگر فنکاروں میں ہمایوں سعید ، شفقت چیمہ ، شہر یار منور، سوہا علی آبڑو شامل ہیں۔متعلقہ عنوان :
مزید فن و فنکار کی خبریں
-
بالی ووڈ بائیکاٹ کے دوران اکشے کمار نے سہارا دیا: وویک اوبرائے کا انکشاف
-
اے آئی اداکارہ ٹلی نورووڈ فیچر فلم میں مرکزی کردار ادا کریں گی
-
عدالت نے یوٹیوبرعلی حیدرآبادی کو عبوری ضمانت دیتے ہوئے پولیس کو گرفتاری سے روک دیا
-
مرد ، مرد نہیں ہوتا پیسہ مرد ہوتا ہے، اداکارہ سنندا شرما
-
اداکارہ ماہ نوربلوچ کی نئی تصاویر سوشل میڈیا پر وائرل
-
اداکارہ درفشاں سے کسی قسم کا ذاتی تعلق نہیں،یوٹیوبر رجب بٹ
-
تعلیم اور نوکری والی خاتون کو گھبرانے کی ضرورت نہیں،اداکارہ اسماء عباس
-
زویا ناصرکی ڈانس پرفارمنس سوشل میڈیا صارفین کو زیادہ متاثر نہ کر سکی
-
گووندا پرطنز، سنیتا آہوجا کا اداکارہ شلپا شندے کو منہ توڑجواب
-
اداکارہ دیپیکا ککڑ کی کینسر کیخلاف جنگ میں نیا مرحلہ
-
بونی کپور کی بیٹی انشولا رشتہ ازدواج میں منسلک ہوگئیں
-
اداکارہ مومنہ اقبال کی بہن کیخلاف مقدمہ درج کرنے کے عدالتی احکامات عارضی معطل
