بلوچستان کے معاملات کو قبائلی طورپر حل کرنے کی کوشش کی جارہی ہے ،رہنماء بی این پی
ہمیں جمہوری جدوجہد سے روکنے کی کوششیں کی جارہی ہیں اگر حکومت اور ضلعی انتظامیہ نے تعصب کا رویہ ختم نہ کیا تو ہم صوبہ بھر میں جمہوری جدوجہد جن میں شٹرڈاؤن ہڑتال ‘ احتجاجی مظاہرے شامل ہیں شروع کریں گے ، ہنگامی پریس کانفرنس سے خطاب
جمعرات 24 مارچ 2016 22:53
کوئٹہ (اُردو پوائنٹ اخبارتازہ ترین - آن لائن۔24 مارچ۔2016ء ) بلوچستان نیشنل پارٹی کے رہنماؤں نے کہا ہے کہ بلوچستان کے معاملات کو قبائلی طورپر حل کرنے کی کوشش کی جارہی ہے بلوچستان نیشنل پارٹی کی جمہوری جدوجہد کو بھی برداشت نہیں کیاجاسکتا حب میں کامیاب جلسہ کے بعد ہماری پارٹی کے جھنڈوں کو اتارا گیا ہے اور ہمارے ضلعی رہنماؤں اور عہدیداروں کو فون کرکے ان کو اذیتیں دی جارہی ہیں ہمیں جمہوری جدوجہد سے روکنے کی کوششیں کی جارہی ہیں اگر حکومت اور ضلعی انتظامیہ نے تعصب کا رویہ ختم نہ کیا تو ہم صوبہ بھر میں جمہوری جدوجہد جن میں شٹرڈاؤن ہڑتال ‘ احتجاجی مظاہرے شامل ہیں شروع کریں گے ان خیالات کا اظہار انہوں نے کوئٹہ پریس کلب میں ہنگامی پریس کانفرنس میں خطاب کرتے ہوئے کیا اس موقع پر سابق رکن صوبائی اسمبلی اختر حسین لانگو ‘ ملک محئی الدین لہڑی اور علی احمد قمبرانی بھی موجود تھے انہوں نے کہا کہ بلوچستان نیشنل پارٹی نے 20 مارچ کو حب میں تاریخی جلسہ کیا اور اب تک اس طرح کا تاریخی جلسہ حب کی تاریخ میں نہیں ہوا اور اس قبل کوئٹہ ‘ نوشکی ‘ دالبندین میں بھی اہم تاریخی جلسے کئے بلوچستان کے تمام علاقوں میں بی این پی سیاسی جمہوریت کررہی ہے حکومت اور فورسز بوکھلاہٹ کا شکار ہو کر بی این پی جمہوری جدوجہد سے خائف ہو کر حب میں ان کے جھنڈے اتارے جارہے ہیں انہوں نے کہا کہ بلوچستان نیشنل پارٹی بلوچوں کی سب سے بڑی جماعت ہے اور بی این پی قیادت پر عوام کا اعتماد ہے انہوں نے کہا کہ بلوچستان نیشنل پارٹی بلوچوں کے حقوق کیلئے پرامن اور جمہوری جدوجہد کررہی ہے اور حب میں ہمارے ضلعی کارکنوں کو ایک منصوبے کے تحت گرفتار کرنے کی کوشش کی جارہی ہے اور بی این پی کو جمہوری جدوجہد سے دستبردار کیا جارہا ہے انہوں نے کہا کہ مشرف کے دور سے لیکر اب تک ہماری پارٹی کے مرکزی جنرل سیکرٹری حبیب جالب شہید سمیت 88 عہدیداروں اور کارکنوں کو شہید کیا گیا اور اب بھی بلوچستان میں نیم مارشلاء ہے اور حکومت نام کی کوئی چیز نہیں اور تمام تر اختیارات حکومت کے بجائے فورسز کیساتھ ہیں انہوں نے کہا کہ ایک منصوبے کے تحت بلوچستان کے معاملات کو قبائلی طورپر حل کرنے کی کوشش کی جارہی ہے جوکہ خطرناک ثابت ہونگے اور ہماری جدوجہد کو سبوتاژ کرنے کیلئے ہماری سیاست پر قدغن لگانے کی کوشش کررہے ہیں انہوں نے کہا کہ موجودہ حکومت آج بھی مشرف کی سوچ پر گامزن ہے اور ان کے نظریات اور افکار کو بلوچستان میں سیاسی جمہوری جدوجہد پر نافذ کرنے کی کوشش کررہے ہیں انہوں نے کہا کہ اگر ہمارے کارکنوں کو گرفتار کرنے کی کوشش کی گئی تو بلوچستان نیشنل پارٹی جمہوری جدوجہد کرکے بلوچستان میں شٹرڈاؤن ہڑتال اور مظاہروں سمیت تمام جمہوری آپشن استعمال کریں گے
متعلقہ عنوان :
مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.