ایران میں عربی بولنے پر صابن سے منہ دھونے کی انوکھی سزا
صوبہ اھوازکے ایک سکول میں دوبچوں کو عربی میں بات کرتے سن کر استادنے باہر جاکرصابن سے اچھی طرح منہ اورہاتھ دھونے کاکہا،عرب ٹی وی
جمعہ 22 اپریل 2016 19:43
تہران(اُردو پوائنٹ اخبارتازہ ترین - این این آئی۔22 اپریل۔2016ء) ایران میں عرب اقوام، عرب ثقافت حتیٰ کہ عربی زبان سے نفرت کے مظاہر اکثر دیکھنے کو ملتے ہیں مگر بعض واقعات غیرمعمولی حد تک حیران کن اور لرزہ خیز ہونے کے ساتھ کسی حد تک مزاحیہ بھی ہوتے ہیں۔ مثال کے طور پر حال ہی میں ایران میں اسکول کے ایک استاد نے عربی بولنے پر کلاس میں موجود طلباء کو صابن کے ساتھ ہاتھ منہ دھونے کی انوکھی سزا دی۔
عرب ٹی وی کے مطابق عربی زبان سے نفرت کا مظہر یہ واقعہ ایران کے عرب اکثریتی صوبہ اھواز کے ایک اسکول میں پیش آیا۔اھواز کے ایک اسکول کے استاد نے کلاس میں دو عرب بچوں کو آپس میں عربی میں بات کرتے سنا توانہیں کلاس سے باہر نکالتے ہوئے صابن اور پانی سے اچھی طرح ہاتھ منہ دھونے کا حکم دیا۔(جاری ہے)
اھواز کے ایک مقامی سماجی کارکن عبدالکریم الدحیمی نے اسکول کے بچوں کو عربی بولنے پر منہ دھونے کی سزا پر سخت ناپسندیدگی کا اظہار کیا ہے۔
ان کا کہنا ہے کہ ایک استاد کا اپنے شاگردوں کے ساتھ اس نوعیت کا سلوک پرلے درجے کی نسل پرستی کا مظہر ہے۔ ایرانی حکومت کو ایسے شرمناک مظاہر کی روک تھام کے لیے موثر اقدامات کرنا چاہئیں۔انہوں نے مزید کہا کہ ایرانی استاد نے عربی زبان سے اپنی نفرت اور عربوں سے بغض کا اظہار کرتے ہوئے یہ ثابت کیا ہے کہ ایران میں عربوں سے کس حد تک نفرت اور بغض پایا جاتا ہے۔ الدحیمی کا کہنا تھا کہ اسلامی جمہوریہ کا دعویٰ کرنے والے ایران میں عربی سے نفرت نہایت افسوسناک ہے۔متعلقہ عنوان :
مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.