علی حیدر گیلانی کی بازیابی پر مبارکباد دینے آنے والوں کا تیسرے روز بھی تانتا بندھا رہا ،بلاول بھٹو دوسرے روز بھی گیلانی ہاؤس آئے
اندرون ، بیرون ممالک سے سیاسی شخصیات ، عزیز و اقارب اور دوست احباب ٹیلیفون کر کے مبارکباد دیتے رہے ،رہائشگاہ پر سیکیورٹی کے سخت انتظامات
جمعرات 12 مئی 2016 19:21
لاہور( اُردو پوائنٹ اخبارتازہ ترین - این این آئی۔12 مئی۔2016ء) سابق وزیر اعظم یوسف رضا گیلانی کے صاحبزادے علی حیدر گیلانی کی بازیابی پر مبارکباد دینے آنے والوں کا تیسرے روز بھی تانتا بندھا رہا ،پیپلز پارٹی کے چیئرمین بلاول بھٹو زرداری گزشتہ روز بھی ڈیفنس آئے اور علی حیدر گیلانی سمیت خاندان کے دیگر افراد کے ہمراہ وقت گزارا ،اندرون اور بیرون ممالک سے سیاسی شخصیات ، عزیز و اقارب اور دوست احباب ٹیلیفون کر کے مبارکباد دیتے رہے ۔
تفصیلات کے مطابق سابق وزیر اعظم یوسف رضا گیلانی کے مغوی صاحبزادے علی حیدر گیلانی کی تین سال بعد بازیابی کی خوشی میں ڈیفنس میں واقع گیلانی ہاؤس میں تیسرے روز بھی جشن کا سماں رہا اور پارٹی رہنماؤں سمیت سیاسی شخصیات ،عزیز و اقارب مٹھائیاں لے کر مبارکباد دینے پہنچتے رہے۔(جاری ہے)
پیپلز پارٹی کے چیئرمین بلاول بھٹو زرداری جو علی حیدر گیلانی کے پہلے روز گھر پہنچنے پر مبارکباد دینے انکی رہائشگاہ ڈیفنس آئے تھے گزشتہ روز بلاول ہاؤس سے دوبارہ ڈیفنس آئے جہاں انہوں نے علی حیدر گیلانی اور خاندان کے دیگر افراد کے ہمراہ وقت گزارا ۔
علاوہ ازیں وزیر اعظم کے سیاسی مشیر جام معشوق علی ،پیپلزپارٹی پنجاب کے سابق صدر میاں منظور وٹو ،انکے صاحبزادے جہانگیر وٹو سمیت دیگر پارٹی رہنمااور سیاسی شخصیات نے بھی گیلانی ہاؤس آ کر یوسف رضا گیلانی اور انکے بازیاب ہونے والے صاحبزادے علی حیدر گیلانی کو مبارکباد دی ۔ یوسف رضا گیلانی کی رہائشگاہ پر اہم شخصیات کی آمد کے پیش نظر سکیورٹی ہائی انتہائی سخت رہی جبکہ پولیس موبائل بھی پیٹرولنگ کرتی رہی۔متعلقہ عنوان :
مزید اہم خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
اسرائیل سے الجزیرہ نیوز چینل پر پابندی کا فیصلہ واپس لینے کا مطالبہ
-
جنگ ہو یا امن دائیاں خدمات سرانجام دیتی رہتی ہیں
-
سوڈان: یو این اداروں کو ڈارفر میں قحط برپا ہونے کا خدشہ
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.