پاکستان اور چین ایک دوسرے کی خود مختاری اور علاقائی سالمیت کا احترام کرتے ہیں ٗ چینی سفیر سن وی ڈونگ
دونوں ممالک کے درمیان گذشتہ چند سالوں میں کثیرجہتی تعاون کیلئے ایک مؤثر روڈ میپ تیار ہوا ہے ٗاعزاز چوہدری
منگل 24 مئی 2016 18:52
اسلام آباد (اُردو پوائنٹ اخبارتازہ ترین - این این آئی۔24 مئی۔2016ء) پاکستان میں چین کے سفیر سن وی ڈونگ نے کہا ہے کہ پاکستان اور چین ایک دوسرے کی خود مختاری اور علاقائی سالمیت کا احترام کرتے ہیں ۔ منگل کو یہاں وزارت اطلاعات، نشریات و قومی ورثہ کے زیر اہتمام پاک چین سفارتی تعلقات کی 65 ویں سالگرہ کے موقع پر سیمینار ’’پاکستان چین آہنی بھائی‘‘ سے خطاب کرتے ہوئے انہوں نے کہا کہ دونوں ممالک سفارتکاری میں اپنے تعلقات کو ترجیحی حیثیت دیتے ہیں، ہم ایک دوسرے کو مساوی شراکت دار، بااعتماد دوست تصور کرتے ہیں اور ایک دوسرے کی خود مختاری اور علاقائی سالمیت کا احترام کرتے ہیں۔
انہوں نے کہا کہ دونوں ممالک آزمائش کی ہر گھڑی پر پورا اترے ہیں اور دنیا میں امن و خوشحالی کے فروغ کیلئے اہم علاقائی اور عالمی ایشوز پر ان کے درمیان قریبی تعاون ہے۔(جاری ہے)
انہوں نے کہا کہ پاکستان اور چین کے تعلقات سدا بہار سٹرٹیجک تعلقات میں تبدیل ہوئے ہیں جس سے یہ تعلقات نئی بلندیوں پر لے جانے کے نئے امکانات اور مواقع پیدا ہوئے ہیں۔ اس موقع پر خارجہ سیکرٹری اعزاز احمد چوہدری نے خطاب کرتے ہوئے کہا کہ دونوں ممالک کے درمیان گذشتہ چند سالوں میں کثیرجہتی تعاون کیلئے ایک مؤثر روڈ میپ تیار ہوا ہے۔
انہوں نے کہا کہ چائنہ پاکستان اکنامک کوریڈور دونوں ممالک کے درمیان بڑھتے ہوئے تعلقات کا مظہر ہے، گذشتہ تین سالوں میں پاکستان اور چین کے درمیان دوطرفہ تجارت، عوامی سطح پر روابط اور دفاعی تعاون مزید مستحکم ہوا ہے۔ انہوں نے کہا کہ دونوں ممالک نے ہر طرح کے حالات میں ایک دوسرے کا ساتھ دیا، چین نے 1965ء اور 1971ء کی جنگ میں پاکستان کا ساتھ دیا ٗ پاکستان نے امریکہ اور چین کے درمیان مفاہمت کیلئے تعاون کیا۔ سابق سفیر اور انسٹی ٹیوٹ آف سٹرٹیجک سٹڈیز کے ڈائریکٹر جنرل مسعود خان نے کہا کہ گذشتہ چند سالوں کے دوران پاکستان چین کے درمیان تجارتی حجم میں اضافہ ہوا ہے جو بڑھ کر 18.9 ارب ڈالر ہو گیا ہے اور توقع ہے کہ 2050ء تک تجارتی حجم سالانہ50 ارب ڈالر ہو جائے گا۔ انہوں نے کہا کہ شاہراہ قراقرم دنیا کا آٹھواں عجوبہ ہے جس کی تعمیر میں 810 پاکستانیوں اور 200 چینی باشندوں نے جانوں کا نذرانہ پیش کیا ہے۔مزید اہم خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
اسرائیل سے الجزیرہ نیوز چینل پر پابندی کا فیصلہ واپس لینے کا مطالبہ
-
جنگ ہو یا امن دائیاں خدمات سرانجام دیتی رہتی ہیں
-
سوڈان: یو این اداروں کو ڈارفر میں قحط برپا ہونے کا خدشہ
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.