16 فیصد فیڈرل ایکسائز ڈیوٹی کے نوٹسز واپس لینے کے فیصلے سے اوپن مارکیٹ میں ڈالر کے طلب گار غائب
ڈالر کے فاضل ذخائر 80 فیصد تک پہنچنے سے امریکی ڈالر کی قدر 106 روپے سے گھٹ کر 105.40 کی سطح پر آگئی ڈالر کی قدر میں فوری کمی وزیرخزانہ اسحاق ڈار کے بروقت فیصلے کے مرہون منت ہے ، ملک محمد بوستان
ہفتہ 28 مئی 2016 20:19
کراچی (اُردو پوائنٹ اخبارتازہ ترین - این این آئی۔28 مئی۔2016ء) ایکسچینج کو جاری کردہ 16 فیصد فیڈرل ایکسائز ڈیوٹی کے نوٹسز واپس لینے کے فیصلے سے ہفتے کو اوپن مارکیٹ میں ڈالر کے طلب گار غائب رہے۔ جبکہ ڈالر کے فاضل ذخائر 80 فیصد تک پہنچنے سے امریکی ڈالر کی قدر 106 روپے سے گھٹ کر 105.40 کی سطح پر آگئی۔ فاریکس ایسوسی ایشن کے صدر ملک محمد بوستان نے کہا ہے کہ ڈالر کی قدر میں فوری کمی وزیرخزانہ اسحاق ڈار کے بروقت فیصلے کے مرہون منت ہے جنہوں نے FBR کی جانب سے دہرے ٹیکس کی نشاندہی پر فوری ہدایات جاری کرتے ہوئے پاکستانی روپیہ کو استحکام بخشا۔
انہوں نے بتایا کہ وزیرخزانہ اسحاق ڈار نے وعدہ کیا ہے کہ مالی سال 2016-17 کے وفاقی بجٹ میں ایکسچینج کمپنیوں کو فیڈرل ایکسائز ڈیوٹی سے مستثنیٰ قرار دینے کے علاوہ دیگر ترغیبات کا بھی اعلان کیا جائے گا تاکہ غیرقانونی چینل سے ترسیلات زر کی آمد ورفت کا مکمل خاتمہ ہوسکے اور صرف قانونی چینلز کے ذریعے ورکرر یمیٹنس کا حجم دوگنا ہوسکے۔(جاری ہے)
ملک محمدبوستان نے بتایا کہ وزیرخزانہ کے اس بروقت اقدام سے فری مارکیٹ میں 3 ہفتوں سے جاری خوف وہراس کی فضا ختم ہوگی اور ڈالر کی ڈیمانڈ 100 فیصد گھٹ کر 20 فیصد تک محدود ہوگئی ہے۔
آئندہ بجٹ میں ایکسچینج کمپنیوں کو ٹیکس سے استثنیٰ کے اعلان سے پاکستانی روپیہ کی قدر مزید مستحکم ہوگی جبکہ آنے والے ہفتے میں ڈالر کی قدر میں مزید کمی واقع ہوگی۔ ملک محمدبوستان نے کہا کہ وفاقی حکومت مقامی ایکسچینج مارکیٹوں کو دنیا کی 400 منی ٹرانسفر کمپنیوں کے ساتھ کاروباری شراکت داری کے معاہدوں کی اجازت دے تو انٹر بینک مارکیٹ میں نہ صرف زرمبادلہ کی طلب میں کمی واقع ہوگی بلکہ 25 سے 30 ہزار خاندانوں کے لیے روزگار کے نئے دروازے کھل جائیں گے جبکہ ایکسچینج کمپنیوں کی ترسیلات زر کی موجودہ 5 ارب ڈالر کا حجم بڑھ کر 10 ارب ڈالر تک پہنچ جائے گا۔ انہوں نے بتایا کہ مقامی ایکسچینج کمپنیوں نے گزشتہ 6 سال کے دوران 10 ارب امریکی ڈالر انٹر بینک مارکیٹ میں سرنڈر کیے جس سے حکومت پاکستان کو 60 ارب روپے کی بچت ممکن ہوئی اور ڈالر ودیگر اہم غیرملکی کرنسیوں کے مقابلے میں پاکستانی روپیہ کی قدر کو استحکام ملا۔ ضرورت اس بات کی ہے کہ FBR سمیت تمام صوبائی ریونیو اتھارٹیز اس شعبے کی حساسیت کو مدنظر رکھتے ہوئے غیرضروری ٹیکسوں کے نفاذ اور نوٹسز کے اجراء سے گریز کریں۔ انہوں نے وزیراعلیٰ سندھ سید قائم علی شاہ سے بھی مطالبہ کیا کہ وہ مقامی ایکسچینج کمپنیوں کو SRB کے جاری کردہ 16 فیصد سیلز ٹیکس کے نوٹسز واپس لینے کی ہدایت کریں تاکہ سندھ میں قائم ایکسچینج کمپنیوں کی خدمات کا معیار بہتر ہوسکے اور SRB سیلز ٹیکس نوٹسزکی وجہ سے اوپن مارکیٹ میں ہیجانی کیفیت ختم ہوسکے۔مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.