عوام کو دہشت گردوں اور سماج دشمن عناصر کے رحم و کرم پر نہیں چھوڑا جا سکتا،نواب ثناء اللہ زہری
ماضی میں دہشت گردی کی کارروائیوں کی جانب سے آنکھیں بند کر لینے کی وجہ سے حالات خراب ہوئے،وزیراعلیٰ بلوچستان
ہفتہ 28 مئی 2016 22:32
خضدار(اُردو پوائنٹ اخبارتازہ ترین - این این آئی۔28 مئی۔2016ء ) وزیراعلیٰ بلوچستان نواب ثناء اللہ خان زہری نے کہا ہے کہ عوام کو دہشت گردوں اور سماج دشمن عناصر کے رحم و کرم پر نہیں چھوڑا جا سکتا، ماضی میں دہشت گردی کی کاروائیوں کی جانب سے آنکھیں بند کر لینے کی وجہ سے حالات خراب ہوئے لیکن اب ایسا نہیں ہوگا، ہم نے دہشت گردوں کی کمر توڑ دی ہے اور وہ چھپتے پھر رہے ہیں، ان کے لیے پیغام ہے کہ وہ پر امن ہو کر قومی دھارے میں آجائیں اگر وہ نہیں آتے تو ہم ان کو ڈھونڈ نکالیں گے، اب مزید ظلم و زیادتی برداشت نہیں کی جائے گی، ان خیالات کا اظہار انہوں نے مسلم لیگ(ن) کے کارکنوں کے ایک بڑے اجتماع سے خطاب کرتے ہوئے کیا، اس موقع پر جمعیت علماء اسلام ، بی این پی (مینگل )اور بی این پی (عوامی ) کے ضلعی عہدیداروں نے اپنے ساتھیوں سمیت مسلم لیگ(ن) میں شمولیت کا اعلان کیا، اجتماع سے صوبائی وزیر سردار محمد اسلم بزنجو، صوبائی مشیر محمد خان لہڑی اور دیگر مقررین نے بھی خطاب کیا، اپنے خطاب میں وزیراعلیٰ نے کہا کہ میرے قائد وزیراعظم محمد نوازشریف کا وژن ایک پڑھا لکھا خوشحال پاکستان ہے اور ان کی پیروی میں میرا عزم ایک پڑھا لکھا اور پرامن بلوچستان ہے، وزیراعلیٰ نے نوجوانوں کو مخاطب کرتے ہوئے کہا کہ ایک روشن اور تابناک مستقبل ان کا منتظر ہے وہ اپنی تمام تر توجہ حصول تعلیم و ہنر پر مرکوز رکھیں، وزیراعلیٰ نے کہا کہ آئندہ مالی سال میں بلوچستان کے پڑھے لکھے اور باصلاحیت طلباء و طالبات کے لیے میرٹ کی بنیاد پر لیپ ٹاپ کی فراہمی کی اسکیم شامل کی جا رہی ہے اور وہ خود خضدار آکر طلبا میں لیپ ٹاپ تقسیم کریں گے۔
متعلقہ عنوان :
مزید قومی خبریں
-
امریکی سفیر سے آئین کی بالادستی، ملٹری کورٹس پر بات ہوئی، عمرایوب
-
خیبر پختونخوا میں حالیہ بارشوں نے تباہی مچا دی
-
لاہور ، بدنام زمانہ ڈکیت گینگ کے 2ارکان گرفتار
-
پاکستان امن کا گہوارہ نہ بنا تو ترقی وخوشحالی کے تمام تر خواب شرمندہ تعبیر نہیں ہوسکیں گے‘احسن اقبال
-
امن کے بغیر پائیدار ترقی اور خوشحالی ممکن نہیں ، وفاقی وزیر برائے منصوبہ بندی و ترقی یونیورسٹی آف نارووال میں کانفرنس سے خطاب
-
خیبر،جمرود پولیس کی کارروائی، 2ملزمان گرفتار
-
وزیراعظم یوتھ پروگرام کا مقصد نوجوانوں کی صلاحیتوں کومناسب پلیٹ فارم مہیا کرکے ملک کو معاشی ترقی کی راہ پر گامزن کرنا ہے، رانا مشہود احمد خان
-
احسن اقبال کی عام انتخابات میں کامیابی کے نوٹیفیکیشن کو کالعدم قرار دینے کی درخواست پر فریقین کو نوٹس جاری
-
وزارت آئی ٹی نوجوانوں کی ترقی کیلئے کوشاں ہے، شنزہ فاطمہ
-
10مئی کے بعد غیر رجسٹرڈ گاڑیوں کو تحویل میں لے لیا جائے گا، شرجیل میمن
-
پی ٹی آئی خواتین رہنماوں صنم جاوید اور عالیہ حمزہ کے جوڈیشل ریمانڈ میں توسیع
-
متنازع ٹویٹس کیس میں اعظم سواتی کی عبوری ضمانت میں 15 مئی تک توسیع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.