رمضان المبارک کے دوران ریلوے کرایوں میں 25 فیصد تک کمی کا اعلان

کرایوں میں کمی کا اطلاق یکم سے 20 رمضان المبارک تک ہوگا، ترجمان پاکستان ریلوے

اتوار 29 مئی 2016 17:32

رمضان المبارک کے دوران ریلوے کرایوں میں 25 فیصد تک کمی کا اعلان

کراچی(اُردو پوائنٹ اخبارتازہ ترین - این این آئی۔29 مئی۔2016ء) پاکستان ریلوے نے رمضان المبارک میں عوام کی سہولت کے لیے خصوصی پیکیچ کا اعلان کرتے ہوئے کرایوں میں 10 سے 25 فیصد کمی کردی ہے جس کا اطلاق یکم سے 20 رمضان المبارک تک ہوگا۔

(جاری ہے)

ترجمان ریلوے کے مطابق کرایوں میں کمی کا فیصلہ عوام کو رمضان المبارک میں سستی سفری سہولت کی فراہمی کو یقینی بنانے کے لیے کیا گیا ہے۔

کرایوں میں کمی کا اطلاق یکم سے 20 رمضان المبارک تک ہوگا اور یہ سہولت ایڈوانس بکنگ پر دستیاب ہوگی۔ترجمان ریلوے کے مطابق بہاالدین زکریا، موسی پاک اور مہر ایکسپریس کے کرایوں میں 25 فیصد جب کہ کراچی ایکسپریس، پاک بزنس، جعفرایکسپریس، گرین لائن، قراقرم ایکسپریس، خیبر میل، علامہ اقبال، تیزگام کے کرایوں میں 10 فیصد کمی کی گئی ہے۔