محمد علی کی نماز جنازہ پرسوں اداکی جائیگی، 18 ہزار افراد نے جگہ محفوظ کرا لی
منگل 7 جون 2016 16:52
لندن (اُردو پوائنٹ اخبارتازہ ترین - این این آئی۔07 جون ۔2016ء) باکسنگ لیجنڈ محمد علی کی نماز جنازہ جمعرات کے روز ادا کی جائے گی۔ اگلے روز جمعے کی صبح انہیں ریاست کینٹکی کے شہر لوئی ویل کے ایک مشہور قبرستان ہل کیو میں اسلامی سیکشن میں سپرد خاک کیا جائے گا۔ تدفین میں سابق امریکی صدر بل کلنٹن بھی شریک ہوں گے اور دنیا بھر میں اعتدال پسند اسلام کے سفیر کو خراج تحسین پیش کریں گے۔
محمدعلی نے 74 سال قبل لوئی ویل میں آنکھ کھولی تھی اور زندگی کا بڑا حصہ اسی شہر میں گزارا۔باکسنگ لیجنڈ کی نماز جنازہ کے لیے شیخ زید کو مقرر کیا گیا ہے۔ عرب ٹی وی سے گفتگو میں شیخ نے بتایا کہ نماز جنازہ کا انعقاد شہر میں "کینٹکی چکن" فاسٹ فوڈ نیٹ ورک کے ایک ہال فریڈم میں کیا جائے گا۔(جاری ہے)
اس کی وجہ یہ ہے نماز جنازہ میں شرکت کے متمنی 18 ہزار افراد شہر کی کسی مسجد میں نہیں آ سکتے جنہوں نے اس سلسلے میں پیشگی طور اپنی جگہائیں محفوظ کرا لی ہیں۔
شیخ زید سے محمد علی اور ان کے گھر والوں کا تعارف 6 سال قبل ہوا تھا جس کے بعد سے وہ اس گھرانے کے لیے مذہبی مشیر کی حیثیت رکھتے ہیں۔ محمد علی کی آخری رسوم میں جن نمایاں شخصیات کی شرکت متوقع ہے ان میں مزاحیہ اداکار بیلی کریسٹل، کھیلوں کی دنیا کے صحافی برائنٹ گمبل، ترکی کے صدر رجب طیب ایردوآن اور باکسنگ لیجنڈ کے گھرانے کے ترجمان بوب گونل شامل ہیں۔ اس کے علاوہ سوشل میڈیا پر تقریب میں امریکی صدر باراک اوباما کے شریک ہونے سے متعلق افواہیں بھی گردش میں ہیں۔شیخ زید کے مطابق محمد علی کی قبر اپنے والدین کی مشترکہ قبر کے قریب نہیں ہوگی جو محمد علی کی آخری آرام گاہ سے 23 کلومیٹر دورمیں واقع ہے۔ یاد رہے کہ محمد علی کے اکلوتے بھائی رحمان علی نے 2013 میں برطانوی اخبار کو بتایا تھا کہ محمد علی نے ہدایت کی ہے کہ اگر وہ رحمان علی سے پہلے فوت ہوجائیں تو ان کو اپنے والدین کی قبر کے نزدیک دفن کیا جائے۔ اس کے علاوہ قبر کے کتبے پر 1968 میں قتل کر دیے جانے والے امریکی پادری مارٹن لوتھر کنگ کے یہ جملے بھی کندہ کرائے جائیں کہ میں نے کسی کو چاہنے کی کوشش کی اور یہ کہ میں انسانیت سے پیار کروں اور اس کی خدمت کروں۔ درحقیقت میں نے بھوکوں کو کھلانے اور بے لباسوں کو کپڑے پہنانے کی کوشش کی۔تاہم شیخ زید کا کہنا ہے کہ یہ عبارتیں کندہ کرانا ان کی ذمہ داری نہیں۔امریکی اخبار کی رپورٹ کے مطابق شیخ زید کا شمار " مغربی دنیا کی 9 با اثر ترین مسلمان شخصیات" میں ہوتا ہے۔ اپنے نام "زید سلیم شاکر" کے بارے میں ان کا کہنا ہے کہ اس نام کے الفاظ قرآن کریم کی مختلف سورتوں سے لیے گئے ہیں۔مزید کھیلوں کی خبریں
-
ٹی ٹونٹی ورلڈکپ، مائیکل وان نے پاکستانی بیٹنگ لائن اپ کمزور ترین قرار دیدی
-
کیا پاکستان کی ٹی ٹونٹی ورلڈ کپ 2024ء کی جرسی لیک ہوگئی؟
-
انگلش کاؤنٹی ووسٹرشائر کے 20 سالہ سپنر جوش بیکر چل بسے
-
علی ترین کا دعویٰ درست ثابت، احسان اللہ کے کیریئر سے کھلواڑ کی تصدیق ہوگئی
-
پی ایس ایل کمشنر نائلہ بھٹی نے استعفیٰ دے دیا
-
پاکستان میں شیڈول چیمپئنز ٹرافی ٹورنامنٹ کے فائنل کے ممکنہ وینیو کا نام سامنے آ گیا
-
ٹی ٹوئنٹی ورلڈکپ کا گانا آئی سی سی نے ریلیز کر دیا
-
آئی سی سی نے معروف ویسٹ انڈین کرکٹر پر 5 سال کی پابندی عائد کردی
-
ورلڈ کپ اسکواڈ سے متعلق سب کلیئرہے، فٹنس دیکھ کر ہم اعلان کر دیں گے، وہاب ریاض
-
فٹنس کیلئے ویمن کرکٹرزکو بھی ملٹری اکیڈمی کاکول بھیجنے کا فیصلہ
-
کینیڈا کا ٹی 20 کرکٹ ورلڈ کپ کیلئے 15 رکنی سکواڈ کا اعلان کردیا
-
پاکستان نے آئرلینڈ اور انگلینڈ سیریز کے لیے 18 رکنی اسکواڈ کا اعلان کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.