فائیو سٹار ہوٹل کے کمرے سے مردہ حالت میں ملنے والی لڑکی کا معمہ حل نہ ہو سکا ،پو سٹمارٹم کے بعد لاش ورثاء کے حوالے
رابعہ کے سر میں ایک گولی لگی ،پرس سے برآمد ہونیوالی گولی اور سر سے نکالی گئی گولی کو فرانزک لیب بھجوا دیا گیا،ہوٹل کے 12ملازمین سے تفتیش
ہفتہ 30 جولائی 2016 18:00
لاہور ( اُردو پوائنٹ اخبارتازہ ترین - این این آئی۔30 جولائی ۔2016ء) مال روڈ پر واقع فائیوسٹار ہوٹل کے کمرے سے مردہ حالت میں ملنے والی لڑکی کا معمہ حل نہ ہو سکا،پوسٹمارٹم مکمل ہونے کے بعد لاش ورثا ء کے حوالے کر دی گئی ،پولیس نے ہوٹل کے 12ملازمین کو حراست میں لے کر بیان ریکارڈ کر لئے جنہیں بعد ازاں چھوڑ دیا گیا۔ تفصیلات کے مطابق جمعہ کے روز مال روڈ پرو اقع فائیو سٹار ہوٹل کے کمرے میں مردہ حالت میں پائی گئی باٹا پور کی رہائشی رابعہ نصیر کامیو ہسپتال میں پوسٹمارٹم کیا گیا جس کے بعد لاش ورثا ء کے حوالے کر دی گئی ہے۔
ابتدائی پوسٹمارٹم رپورٹ کے مطابق رابعہ کے سر میں ایک گولی لگی ہے، رابعہ کے سر میں لگنے والی گولی کو نکال کر اسے فرانزک لیب بھجوا دیا گیا ہے۔پولیس کے مطابق رابعہ کے پرس سے برآمد ہونے والی گولی اور سر سے نکالی گئی گولی کو میچ کیا جائے گا۔(جاری ہے)
لڑکی کے جسم پر تشدد کے نشانات نہیں پائے گئے۔ ہوٹل میں دوران تفتیش ملنے والے شواہد بھی فرانزک لیب بھجوا دیئے گئے ہیں۔
پولیس کے مطابق رابعہ نے خود کشی کی ہے یا اس کو قتل کیاگیا ہے اس کے بارے میں فی الحال کچھ نہیں کہا جا سکتا، فرانزک رپورٹ کے بعد اصل حقائق سامنے آئیں گے۔بتایا گیا ہے کہ پولیس نے ہوٹل کے 12ملازمین سے تفتیش کی ہے جن میں دو خواتین بھی شامل ہیں۔ پولیس کے مطابق رابعہ کے موبائل فون کا ریکارڈ حاصل کرنے کے لئے بھی درخواست دیدی گئی ہے ۔ ایک نجی ٹی وی نے پولیس ذرائع کے حوالے سے بتایا ہے کہ رابعہ کے پاس پستو ل اور 28راؤنڈ تھے ۔ ایک میگزین پستول کے اندر جبکہ ایک میگزین رابعہ کے پرس میں موجود تھا ۔ایف آئی آر میں رابعہ کو کنیرڈ کالج کی طالبہ بتایا گیا ہے جبکہ وہ وہاں زیر تعلیم ہی نہیں تھی ۔ پولیس ذرائع کا کہنا ہے کہ سخت سیکورٹی کے باوجود اسلحہ ہوٹل کے اندر کیسے گیا ،ان خطوط پر بھی تفتیش شروع کردی ہےمتعلقہ عنوان :
مزید اہم خبریں
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
-
مزدور اور محنت کش طبقہ ملک کی تعمیر و ترقی میں ریڑھ کی ہڈی کی حیثیت رکھتا ہے ، مزدور طبقے کے حقوق کا تحفظ ملک کی تعمیر و ترقی کے لئے ناگزیر ہے، سردارایازصادق
-
ہماری کمزوری ہے کہ فیض آباد دھرناکیس کے ذمہ داروں کو سزا نہیں دے سکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.