احتساب کے حق میں خیبرپختونخوا میں ریلی نکال کر اپنی ہی صوبائی حکومت کیخلاف عدم اعتماد کا اظہار کیا ہے‘
ملک کو ترقی دھرنوں یا احتجاجی ریلیوں سے نہیں دی جاسکتی‘ کشمیریوں کیساتھ مکمل اظہار یکجہتی کرتے ہیں‘ 17 اگست کو شہید جنرل ضیاء الحق کی برسی نہایت عقیدت و احترام کیساتھ منائی جائے گی پاکستان مسلم لیگ (ض) کے سربراہ و رکن قومی اسمبلی اعجاز الحق کی پریس کانفرنس
پیر 8 اگست 2016 01:41
فیصل آباد(اُردو پوائنٹ اخبارتازہ ترین - آئی این پی۔7اگست۔2016ء) پاکستان مسلم لیگ (ض) کے سربراہ و رکن قومی اسمبلی اعجاز الحق نے کہا ہے کہ احتساب کے حق میں خیبرپختونخوا میں ریلی نکال کر اپنی ہی صوبائی حکومت کیخلاف عدم اعتماد کا اظہار کیا ہے‘ ملک کو ترقی دھرنوں یا احتجاجی ریلیوں سے نہیں دی جاسکتی‘ کشمیریوں کیساتھ مکمل اظہار یکجہتی کرتے ہیں‘ 17 اگست کو شہید جنرل ضیاء الحق کی برسی نہایت عقیدت و احترام کیساتھ منائی جائے گی وہ اتوار کی شام یہاں پرہجوم پریس کانفرنس سے خطاب کررہے تھے ‘ انہوں نے کہا کہ عمران خان کی تمام تر پالیسیاں ناکامی سے دوچار ہیں‘ وہ پہلے کئی ماہ تک شاہراہ دستور پر دھرنا دے کر دیکھ چکے تھے‘ اب انہوں نے احتساب کے حق میں پشاور سے ریلی نکال کر اپنی ہی صوبائی حکومت پر عدم اعتماد کا اظہار کردیا ہے‘ انہوں نے مقبوضہ کشمیر میں بھارتی افواج کی بربریت پر مذمت کا اظہار کرتے ہوئے کہا کہ 7 لاکھ سے زائد بھارتی افواج نہتے کشمیریوں پر مظالم ڈھا رہے ہیں جبکہ ہماری کشمیرکمیٹی اس سلسلے میں حق ادا نہیں کررہی‘ اس کمیٹی کے قیام کا مقصد ہی کشمیریوں پر ہونیوالے مظالم پر آواز اٹھانا ہے مگرابھی تک کوئی آواز نہیں اٹھائی گئی جس پر افسوس ہے‘ وزیراعظم آئندہ ماہ ستمبر میں اقوام متحدہ جارہے ہیں انہیں چاہیے کہ وہ سلامتی کونسل میں بھارتی جارحیت کیخلاف بھرپورآواز اٹھائیں‘ اعجاز الحق نے 17 اگست کو شہید جنرل ضیاء الحق کی برسی بارے گفتگو کرتے ہوئے کہا کہ حسب روایت امسال بھی شہید کی برسی انتہائی عقیدت و احترام سے منائی جائے گی‘ فیصل آباد سے ہمیشہ شہید کے چاہنے والوں نے بھرپور شرکت کی ہے اور اس بار بھی کثیر تعداد میں کارکن برسی کی مرکزی تقریب میں شرکت کریں گے ‘ اس موقع پر میاں ساجد حسین انجم اورشہباز علی گلزار بھی ان کے ہمراہ تھے۔
متعلقہ عنوان :
مزید اہم خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
اسرائیل سے الجزیرہ نیوز چینل پر پابندی کا فیصلہ واپس لینے کا مطالبہ
-
جنگ ہو یا امن دائیاں خدمات سرانجام دیتی رہتی ہیں
-
سوڈان: یو این اداروں کو ڈارفر میں قحط برپا ہونے کا خدشہ
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.